Без разлика што кога ќе помислите на Кети Бејтс, во глава ви слика од неа во комбинација со искршените нозе на Џејмс Каан, нејзината кариера не е составена само од (ингениозно одиграни) негативки. Имала и помали улоги, а сепак мајсторски изведени, како во „Титаник“, била дел од поголем состав (и успевала да се надвиши над сите) како во „Американска хорор приказна“, а играла и главни позитивни ликови, за кои заслужува не еден, туку седумнаесет Оскари одеднаш, како во „Долорес Клејборн“.
Забелешка на уредникот: Кој не го гледал „Долорес Клејборн“, сниман според нехорор на Стивен Кинг, одма, најодма снајдете се, и пуштете го. Од оние е, што после те држат уште три дена.
Венити Фер има феноменално видео (не сме истражиле дали е серија од слични вакви) каде што Кети Бејтс ја расчленува нејзината кариера и притоа споделува мудрости и раскажува искуства од нејзините 57 (!!) години на сцена и платно.
За првата улога, во првиот филм на англиски на Милош Форман ја плаќале 5 долари на ден.
На филмски сет ја донел Дастин Хофман.
Како проверува дали е стварно ангажирана, дали „ова стварно се случува?“
Ги прашува, „Може да ѝ се јавам на мајка ми?“
Ако имате 20 минути, и кафе пред вас, слободно поминете го тука.
Уживанција е да се слуша.
