Хроничната воспаленост е зачеток на многу здравствени проблеми, од дијабетес и срцеви заболувања до рак и Алцхајмерова болест. Но, добрата вест е дека изборот на храна може да помогне во намалување на воспаленијата, а една од наједноставните и најкорисни состојки е спанаќот.
„Додавањето спанаќ во паста е одличен начин да внесете зеленчук и истовремено да го намалите воспалението,“ вели нутриционистката Алиса Смолен. „Спанаќот е богат со антиоксиданси, влакна и нитрати кои можат да помогнат за здравјето на срцето и да намалат инфламации. Плус, е неверојатно лесен за додавање во речиси секоја паста.“
Антиоксидансите се клучни за намалување на воспалението. Спанаќот содржи витамин Ц, витамин Е, лутеин и заексантин - нутриенти кои ја штитат функцијата на очите и помагаат во превенција на макуларна дегенерација, состојба поврзана со воспаление и оксидативен стрес.
Растителните влакна во спанаќот не само што помагаат во варењето, туку и го поддржуваат здравјето на цревата, што е клучно за имунитетот и контролата на воспаленијата. Само половина чаша варен спанаќ додава околу 2 грама влакна, или 7% од дневната потреба. За дополнителни влакна, заменете бели тестенини со интегрални.
Сакате уште анти-инфламаторни сосови за паста?
Бујрум:
- Печурки: содржат антиоксиданс ерготионеин кој може да ги заштити клетките од оштетување.
- Лук: содржи сулфурни соединенија како алицин, кои помагаат во намалување на воспалението и ја поддржуваат имуната функција.
- Леблебија и леќа: растителен протеин богат со полифеноли и влакна кои ја поддржуваат контролната функција на дијабетесот и здравјето на срцето.
- Маслиново масло: здрави масти и антиоксиданси кои помагаат да се намалат воспалителните маркери.
- Лосос: висококвалитетен протеин и омега-3 масни киселини за дополнително намалување на воспаленијата
