Ројтерс известува дека се работи за системски проблем кај брендовите што произведуваат во Италија поради поголеми профити.
Истражени се неколку помали кинески добавувачи и во некои од нив се откриени нелегални имигранти. На некои им фалела документација, а сите работеле и живееле во услови каде што хигиената и здравјето биле „под минимумот потребен за етички пристап“.
Работниците спиеле по фабрики за да обезбедат 24-часовна работна сила (што се докажало со мапирање на употреба на струја, што не престанувала да работи), а безбедносните механизми на машините биле подесени за да се овозможи побрзо работење - на пример, на машини за полирање им ги ваделе безбедносните штитници.
Сето ова на сопствениците им овозможувало на Диор да им наплаќаат и по 53 евра од ташна, која потоа Диор ја продава и за 2600 евра, но веќе не може да се најде онлајн.
Под истрага се сопствениците на фирмите-соработници на Диор, но во извештајот пишува и дека Диор не презеле соодветни мерки да ги проверат работничките услови. Сепак, ниту сопственикот Бернар Арно (еден од најбогатите луѓе на планетата), ниту ќерка му Делфин која е ЦЕО не се инволвирани во истрагата и официјалните обвинувања.
