Финансиското неверство е реален феномен и сме слушнале за еден куп парови каде што едниот крие долгови, трошоци или кредитни картички од другиот. Тоа е големо нарушување на довербата и може директно да ја загрози и финансиската безбедност на партнерот-жртва, а според финансиски советници, првите сигнали обично се видливи рано: постојано трошење над можностите, избегнување разговори за пари, импулсивни купувања или животен стил што не се совпаѓа со реалните приходи.
Иако многумина ги избегнуваат, разговорите за пари треба да бидат дел од секојдневната комуникација. Прашања од типот на „Како сакаш да го поделиме сметките?“ или „Претпочиташ да штедиш за големи работи или да трошиш постепено?“ можат навреме да откријат потенцијални несогласувања. Колку порано парите станат нормална тема во врската, толку е помала веројатноста финансиските разлики да прераснат во сериозен проблем.
Ако нешто ве загрижува во комуникацијата, бидете искрени. Споделете ги вашите грижи без обвинувања и формулирајте го разговорот како заедничка грижа за иднината.
Потребене е и труд да се разбере причината - некој може да троши за да импресионира, од незнаење или поради чувство на срам поврзано со долгови. Важно е да се дојде до коренот на проблемот. Покажете емпатија, но и поставете граници. Поддржете го партнерот, но задржете ги вашите финансии одвоени сè додека немате сигурност и доверба. Заеднички цели за заштеда или буџетирање можат да бидат добар почеток.
Важно е и да се дејствува навреме, бидејќи игнорирањето на проблемот само ја влошува ситуацијата. Поставувањето на темата рано може да ја заштити врската и, парадоксално, да ја зајакне ако двајцата свесно работите на решавање на финансиските предизвици.
Лошото управување со пари не мора да биде крај на една врска, но е предупредувачки знак што не смее да се игнорира. Вистинскиот тест не е дали партнерот има совршени финансии, туку дали постои отвореност, спремност за промена и градење доверба чекор по чекор.
