Знаеме какви беа пред пандемијата. На Шанел ги нарековме и Дизниленд за возрасни. Во секој случај, беа вистински спектакл што беше доживљај да се види во живо. Сега веќе не.
Модната индустрија се адаптира на дигиталниот календар на кој е принудена во моментов, и многу од големите модни куќи ја прифаќаат новата технологија за претставување на своите колекции. Од таму, Бурбери е првата куќа за висока мода што влегува во партнерство со гејминг-платформата Твич за стриминг во живо на шоуто што следува. Прозорче во браусер ќе ја замени гужвата околу писта, а моќната алатка за чет на Твич треба да креира „лично, инклузивно искуство“.
„Твич отвора нов, возбудлив простор, каде што нашата Бурбери заедница може дигитално да се транспортира и да има чувство како да има виртуелно седиште на нашето шоу,“ изјавува шефот на маркетинг на Бурбери, Род Менли. „Интерактивно искуство, каде гостите ќе се поврзат и со брендот и меѓу себе со персонализирање на гледачкото патување.“
Сместено и инспирирано од природата во Британија, шоуто за колекцијата пролет/лето 21 ќе ги вклучи гостите виртуелно преку медиумот на едно прозорче за лајв-стриминг. Со уште една алатка на платформата, Бурбери ќе може да покаже повеќе перспективи на шоуто. Во основа ќе се добие гламурот на претстава во живо, но без јаглероден отпечаток и без да треба да излезеш од хеланките што ги носиш од март.
Уште не сме одлучиле дали ни одговара ова и за во иднина.
