- Сам во природа можеш да разговараш со себе, да викаш, да врескаш, да се смееш, да пееш, да танцуваш и да бидеш чудак. Во град, мораш да платиш за овие активности, што се прават во специјалнои простории, што се викаат пабови, ноќни клубови и караоке клубови.
- Без разлика каде бев во светот, сепак бев љубоморна на туѓите животи на Инстаграм.
- Дванаесетчасовно патување со воз е секогаш подобро од еден час со авион.
- Повеќето луѓе ќе изгледаат студено и непристапно додека не прозбориш со нив и не сфатиш дека речиси секогаш се навистина такви.
- Откако ќе се сместиш во оддалечено место, без да имаш што да правиш неколку дена, доаѓаат идеи.
- Општиот поглед што го имаш на животот ќе варира во зависност од локацијата. Колку повеќе ја менуваш, толку повеќе се предомислуваш за тоа кој си и што сакаш.
- И покрај дигиталната револуција во последните 30 години, телефонски повик е сè уште најефикасен начин да се решат повеќето работи.
- Мажи што играат билијард голи не се убава глетка кога ќе се наведнат над масата.
- Слушање добра песна додека зјапаш низ прозорец од воз било и секогаш ќе биде одлично.
- Ми фалеше да имам ателје каде што ќе можам да избегам кога нешто не ми одеше од рака.
- Ако спиеш на интересни и оддалечени места, среќаваш интересни луѓе. Ако спиеш во здодевни хотели, во гужва во град, нема.
- Американските мажи во барови во мали гратчиња зборуваат во добро навежбани фрази, наместо да формираат нови реченици.
- Да не знаеш што правиш и да се оставиш да плуташ во непозната авантура е истовремено ослободувачко и застрашувачко.
- Има повеќе заедништво на тешко достапни места.
- Ми недостасуваше чувството на завршување проекти и ослободување дела во светот.
- Да гледаш како испукува пинг-понг топче од вагина не е еротски, туку е како да гледаш научен експеримент.
- Да не се плашиш да поставиш глупави прашања е многу важна вештина кога патуваш сама.
- Ако не уживаш некаде, не прави импулсивна одлука да си одиш веднаш. Седи уште 24 часа и можеби ќе ти се види местото сосема поинакво. На истиот начин, ако останеш некаде предолго, може да ти се смачи. Се работи за баланс.
- Кога си сам(а), тротоар, бетон, цигли и стакло не се добро друштво. Дрвја, полиња, песочни дини, планини, инсекти, птици, животни и море се брилијантно друштво.
- Многу полесно се крши закон ако луѓето околу тебе кршат закон.
- Фино е да се трошат парите додека си жив, наместо константно да штедиш за несигурна иднина.
- Кога си сам(а), градовите можат да направат да се чувствуваш осамено и нецелесно, но оддалечена природа може да направи да се чувствуваш цел(а).
- Пешачење гола, слушајќи подкаст во област каде што има ѕвечарки е опасно и не треба да се прави.
- Ако се прашуваш што правиш и имаш момент на сомнеж во себе, ако налеташ на непознат што прави нешто слично, може да добиеш потврда дека си на прав пат.
- Ако се вратиш на место од минатото и едвај го препознаваш, понекогаш не е затоа што местото се променило, туку затоа што ти си се променил(а).
- Една од најтешките работи кога немаш одговорност и немаш што да правиш цела година е да не пиеш алкохол постојано. Јас пиев многу чај.
- Непознати многу сакаат да ти даваат совети за патување, без да знаат едно нешто за тебе.
- Самодовербата и ентузијазмот да направам големи промени во животот достигнаа врв кон половината на годината и бавно се намалуваа како што се приближував кон крајот.
- Нешто што ми се допаѓа во шетањето сам по крајбрежни патеки е дека не постои детаљ што ќе ти каже во која деценија си. Ужасите на современиот живот не постојат.
- Погрешна одлука е подобра од никаква одлука.
- Препорачувам да се посети Азија ако уживаш да слушаш Колдплеј и Боб Марли.
