Дали ви е јасно дека новиве генерации нè воведоа во ера каде што е сосема нормално да гледаш во Адам Сендлер за модна инспирација? Дека Адам Сендлер е фешн мјуз?
Ај да го испитаме тоа.
ТикТок (се разбира) е познат по лансирање чудесии, па така и ова потекнува од таму. Мрежата е преплавена со видеа од девојки и девојчиња, облечени во најраздрапаната гардероба, инспирирана од распар тренерките, дуксерите и маиците на Адам Сендлер.
За разлика од нивните стилистички „предци“ - чистата естетика или микро-мини сукњата, „Адам Сендлер Кор“ значи опуштени, што-прво-ќе-ти-дојде-при-рака алишта.
Трендот има иронично потекло, но сепак луѓето наоѓаат мудрост во пристапот што Сендлер го има кон модата.
Една Тиктокерка од Калифорнија вели,
„Причината што ова е толку атрактивно и комично е што тој е толку успешен и може да си дозволи да се облекува како повеќето славни личности, но наместо тоа, не му е гајле и не се труди - се држи до тоа за кое што го бива.“
Ова ептен ќе одговара со онаа филозофија „ова лето сме споредни ликови“.
Има нешто.
