Сега ќе се прави Американски пакт за пластика и една од организациите кои ќе се вклучат во оваа мисија е Лореал.
„Посветени сме да имаме улога во заштита на планетата од глобалната климатска криза со која се соочуваме и ќе го трансформираме нашиот бизнис,“ вели директорката на отсекот за социјална одговорност и оддржливост во компанијата. „Се гордееме што сме дел од Пактот и се придружуваме кон над 60 организации, да работиме за системски промени.“
Организацијата има за цел да спои јавни и приватни акционери, за заедничко осмислување на нов пристап на дизајн, користење и одново користење на пластика. Како дел од пактот, Лореал се обврзува да дефинира листа на амбалажи кои се проблематични и до 2021 ќе бидат непотребни, притоа да преземе мерки за елиминација на тие амбалажи до 2025. И до 2025 сите пластични пакувања треба да бидат 100% со можност за одново искористување, рециклирање, плус да можат да се распаѓаат. Се обврзуваат и да рециклираат и искористуваат 50% од пластиките и да се осигураат дека просечните рециклирани материјали ќе изнесуваат 30%.
И тајмингот на гигант како Лореал (чиј пример најверојатно ќе сакаат сите да го следат) е одличен: Летово лансираа „Лореал за иднината“, иницијатива за одржливост со цели до 2030 година.
„Препознавајќи ги сѐ поголемите еколошки и социјални предизвици со кои се соочува планетата, ‘Лореал за иднината‘ ја забрзува трансформацијата кон бизнис модел кој ги почитува нејзините граници и се посветува и на одржливост, и на инклузија ширум светот,“ се вели во изјавата за медиуми.
Има уште многу работа и итните чекори на пактот вклучуваат креирање на мапа на чекори за постигнување на зацртаните цели.
Останува да се надеваме дека макар и од терање мода ќе се вклучат што е можно повеќе брендови и ќе се рашири во сите останати индустрии.
