Минатата недела, Викторијас Сикрет објави фотографија од манекенката Барбара Палвин на Инстаграм и светот воскликна. Палвин не е она што се нарекува плус-сајз манекенка, но сепак, за разлика од досегашните ангели на брендот, како што милува да истакне публиката - се гледа дека е јадена.
„Оваа всушност изгледа здраво… и супер е тоа!” пишува во еден коментар. Друг вика, „Конечно! Вистинско човечко тело!”
Додека многу од нас треба да вложат натчовечки напори и до тоа тело да стигнат, светот веќе слави, а постот е еден од најуспешните на Инстаграм профилот на ВС.
За два дена собра 780.000 лајкови, од кои 710.000 беа во првиот ден.
Иако ова е само една Инстаграм-објава, а не е ни прва што ја вклучува Палвин, а не е дури ни објава со крупна манекенка, демонстрира дека клиентелата позитивно реагира на Викторијас Сикрет, и автоматски се качуваат сите нивоа на ангажираност околу нивниот профил кога брендот се смета за поинклузивен.
ВС е под лупа откако го изеде стапот поради контроверзната изјава на шефот на маркетинг и плус, поради хиперсексуализираните реклами и секси ревии на кои, според некои, не им е местото во ера на #MeToo.
Ние мислиме дека баш сега им е местото тука, но добро.
