Дав има нова купка која треба да се изрекламира. На некој од маркетинг му текнува дека е одлична идеја да се ангажира црнкиња која би се соблекла, и во следниот кадар би излегла бела жена, како алузија дека првава се избањала со купката и се претворила во втората.
Ова звучи како пародија на повеќето глупости што ги изведоа малите и големите брендови во последниве години откако е модерно луѓето да се вреѓаат за сè и сешто, но во моментот кога Дав јавно се извини за „неумесноста” на рекламата, на луѓето им стана јасно дека нема тука никаква шега.
По интернет, луѓето бараат одговори за тоа кој дозволи да помине реклама каде што муабетот е – црното е валкано, а белото е чисто.
Is @Dove soap’s marketing strategy
— Megha Mohan (@meghamohan) October 8, 2017
Before - black & dirty
After - Caucasian & clean
Also *who* is approving these ads? pic.twitter.com/l5tq5ZcAJs
Историски гледано, сапунот често се рекламирал со идејата од црнец во белец, и тоа Твитер не заборави да го посочи:
Не им е ни прв пат, со оглед на тоа што некој успеал да го одобри и следново:
Definitely missed the mark there @Dove
— Stacey B (@_StaceyBaptiste) October 8, 2017
FYI Dark skin IS NORMAL pic.twitter.com/lUD9OJR46f
Ова почна толку често да се случува, и тоа кај брендови за кои е очигледно дека имаат огромни маркетинг тимови, што се поставува прашањето, дали всушност им се исплати да направат ваква бура од реакции, или само се масовно недоветни?
Од Дав го објавија следното:
Како дел од кампањата за Dove Body Wash објавен беше спот од 3 секунди на американската Фејсбук-страница. Ова не ја претставува различноста на вистинската убавина што Дав толку ја почитува и е основа на нашите убедувања и не требаше да се случи. Ја отстранивме објавата и не сме објавиле ништо поврзано со тоа. Длабоко и искрено се извинуваме за навредата и не одобруваме активности или слики кои можат да ја навредат било која публика.