Новите стандарди на Фејсбук ги сметаат за „контекстуално специфични и често користени како сексуални.” Предупредувањето е дека може да се пријави акаунт, ако ги користи во врска со „сексуални разговори, разголени фотографии или секс.”
Претставник од Фејсбук вели дека,
„ништо не е сменето во политиката на Фејсбук или начинот на кој реагираме во врска со неа, само го ажуриравме обраќањето за да ѝ биде појасно на нашата заедница.”
Цензурирањето е уште едно во низата ограничувања на интернетот, што уште повеќе им отежнува навигација на креативците, сексуалните малцинства и сексуалните работници при изразувањето. Излегува дека Твитер е последната голема платформа што дозволува промоција на содржини врзани со сексуалност.
Една понова вест вели дека претставник од Фејсбук потврдува дека нивните платформи не ги забрануваат емоџи-те сами по себе, туку во контекст на следната изјава:
„Содржината ќе биде отстранета од Фејсбук и Инстаграм ако содржи сексуално емоџи заедно со имплицитно или индиректно барање за разголена фотографија, секс или сексуални партнери, или во разговори за секс. Не преземаме никаква активност само за емоџи.”
