Кралскиот биограф Ендру Мортон призна дека „нешто не му било јасно“ кога слушнал дека Меган Маркл на американска телевизија кажала дека одбиле да ѝ помогнат кога се борела со менталното здравје.
Мортон кој има напишано повеќе кралски биографии и допрва му излегува уште една за односот на Вилијам и Хари, сподели дека е изненаден што „фирмата“ не сакала да и помогне на Меган, притоа спомнувајќи дека постарите членови на кралското семејство знаеле и да бараат и да добијат помош во контекст на ментално и емоционално здравје низ годините, па „не мислел дека кралицата би го направила тоа“ (да не пружи помош).
„Многу е тешко да се замисли дека не ѝ помогнале на Меган кога побарала помош. Таа рече дека никој не ја слушал во тој момент, што беше и меѓу најтажните моменти во интервјуто, нели?“ вели водителката на интервјуто со Мортон.
Мортон одговара:
„Да, тажно беше, но отвори повеќе прашања отколку одговори. Особено кога Хари е спонзор на организации за ментално здравје, а неговата кума, Џулија Самјуел е познат психотерапевт и ја имаат на speed-dial. Малку сум збунет од тврдењето,“ признава Мортон.
Водителката додава дека и помладата сестра на кралицата, принцезата Маргарет имала проблеми со менталното здравје и се борела со семејството поради тоа - бидејќи се работи за генерација со став „ако ти е ладно облечи џемпер, не пуштај греење“, како што објаснува биографот.
Но, сепак, принцезата Маргарет била на советување кај психолог.
„Дури и самата кралица, за време на анус хорибилис-от добиваше помош за дишење и опуштање. Кралското семејство е всушност навикнато да бара совет и лечење кога е тоа потребно, иако е тоа малку табу за постарите генерации.“
Сѐ ова погоре во случај да не разбравте, е кралски, британски, достоинствен начин да се каже дека девојчето лаже.
Ама, да држиме ниво.