Вести › Набрзинка

Зеленски сè уште ја уценува Унгарија со нафтоводот Дружба

15 април 2026

Дури откако Виктор Орбан ја загуби власта на изборите, Володимир Зеленски вети дека Украина ќе го поправи нафтоводот Дружба, но индиректно предупреди дека целосно ќе пушти руска нафта до Унгарија откако новите власти во Будимпешта ќе го деблокираат заемот од ЕУ за Киев од 90 милијарди евра.
„Ветивме дека ќе биде поправен до крајот на април. Не целосно, но доволно за да биде оперативен... Веруваме дека ова се совпаѓа со другите обврски на земјите-членки на Европската Унија, особено на Унгарија, која блокираше одредени одлуки што се важни за нас“, изјави Зеленски на прес-конференција во Берлин.

Нафтоводот што носи руска нафта преку Украина до Унгарија и Словачка наводно бил оштетен од руски напад во јануари. Орбан го обвини Зеленски дека одбива да го поправи за да ја остави Унгарија без нафта спроти парламентарните избори. Како реакција го блокираше заемот од ЕУ за Киев.
„ЕУ мора брзо да го исплати заемот, договорен во декември. На Украина итно ѝ се потребни парите“, изјави канцеларот Мерц.

14 април 2026

Доколку Никола Груевски се појави во Македонија, тој има правосилна пресуда и веднаш органите на редот ќе го обезбедат и ќе го упатат на отслужување на затворска казна, изјави премиерот.
Мицкоски нагласи дека Владата е обврзана да ги почитува законите и институциите, додавајќи дека секое лице има право да ги користи правните механизми, вклучително и жалби.
„Ние сме Влада за која сите закони важат и која мора да ги почитува институциите во државата. А дали ќе се врати и кога ќе се врати, јас немам такви очекувања“.
Мицкоски е зачуден од егзалтираноста во СДСМ од резултатите на унгарските избори, бидејќи на тие избори победи десничарската партија Тиса, сестринска партија на ВМРО ДПМНЕ во рамките на Европската народна партија.

Од 1:55

14 април 2026

Додека забрзано се развива вештачката интелигенција, не смее да се заборави да се негува и природната.
Менса Македонија организира тестирање на општата интелигенција со цел прием на нови членови, в недела (19.04) во 11 часот, на American University of Europe (поранешен ФОН) во Скопје. Главен услов за тестирањето е кандидатите да имаат наполнето 16 години. Сите други детали ги има тука.
Кандидатите ќе решаваат стандардизирани тестови на Mensa International и резултатите ќе ги добијат на лична адреса, со најстрого почитување на тајноста.
Оние што ќе остварат резултат во горните 2% од светската популација стекнуваат право да станат член на Менса Македонија, а со тоа и на Mensa International.