Вести › Набрзинка

Запре и „Траекторија“ за кинеските автопатишта

3 ноември 2023

Повлечени се обвиненијата против Груевски, Георгиевски, Пешевски и Јанакиески.
Обвинителката Лиле Стефанова побара обвинението против обвинетиот Никола Груевски да биде повлечено поради настапување на апсолутна застареност, а постапката за другите тројца обвинети да запре поради измените во Кривичниот закон.
Случајот се однесуваше за постапката за избор на компанија за изградба на автопатиштата Миладиновци – Штип и Кичево – Охрид, познат како „Траекторија“.
Судењето за овој предмет почна во 2018. година и никогаш не доби првостепена пресуда.

11 јули 2025

Данела Арсовска била вербално и физички нападната кога посетила објект во изградба кој немал потребни дозволи, каде се крадела струја и вода и за кој не биле платени никакви давачки.

Министерот за внатрешни работи Панче Тошковски вели дека физички контакт имало, но дека е лага и повторен обид за манипулација на јавноста тоа дека нападот се случил пред очите на полицијата.
Плусинфо објави снимка од надзорна камера која покажува друга верзија на настанот. „Данела Арсовска прва започнува со напад при денешната обиколка на дивоградби во Општина Чаир. Таа со клоци удира маж кој потоа и возвраќа со напад“, пишува порталот.

11 јули 2025

Наспроти ниската стапка на наталитет во речиси сите членки, Европската Унија сега има рекордно висок број жители поради „зголемените миграторни движења“ по пандемијата на ковид во 2021 година, покажуваат најновите статистички податоци.
„Од 2012 година наваму негативниот природен прираст во ЕУ е помал од позитивната миграција“, наведува Еуростат.
На почетокот на годинава ЕУ имала 450,4 милиони жители, што е апсолутен рекорд. Тоа е за околу 1 милион повеќе во споредба со 2024 и четврто по ред зголемување од година на година.
Од 1960 година населението на ЕУ се зголемило за 95,9 милиони, главно поради проширувањето со нови членки.
Денес најмногу жители има Германија (83,6 милиони), а најмалку Малта (0,6 милиони). Речиси половина од населението е концентрирано во Германија, Франција и Италија.