Вести › Набрзинка

Замина режисерот Сашо Миленковски

29 јуни 2026

По долго боледување, почина театарскиот режисер Сашо Миленковски. Имаше 63 години.
Во својата богата кариера Миленковски има реализирано повеќе од педесет режии на сцените во Македонија, регионот и во Европа. Од класични автори како Шекспир, Молиер, Достоевски и Бекет до современи драмски текстови.
Особено значајно место во неговото творештво имаат поддршката и афирмацијата на современата македонска драма.
Од 2006 до 2010 година беше директор на Македонскиот народен театар, а од 2010 година драматург во Драмскиот театар – Скопје, каде што активно учествуваше во креирањето на современиот репертоар.
Беше битолчанец и сопруг на трагично починатата актерка Билјана Белианец.

извор

Откриена далечна планета со сите нишани за живот

19 јули 2026

Околу ѕвезда-џуџе во соѕвездието Кит (Cetus) кружи егзопланета за која астрономи тврдат дека најмногу наликува на Земјата од сите досега откриени. Оддалечена е 49 светлосни години.
Планетата LHS 1140b има атмосфера, карпеста површина и услови за океани со течна вода. Орбитира околу своето сонце во зона оценета како погодна за појава на живот.
Матичната ѕвезда ѝ е помала и помалку сјајна од Сонцето, но зрачи повисока радијација. Радиусот на планетата е 70% поголема од Земјата, а масата ѝ е поголема за 5,6 пати.
„Прв пат е потврдена атмосфера на карпеста планета во зоната погодна за живот, надвор од Сончевиот систем. LHS 1140b е најдобра, најперспективна и највозбудлива лабораторија за проучување на астробиологијата и условите за живот“, изјави д-р Колин Керубим, поранешен професор на Харвард и автор на студијата.

извор

Ендрју и Тристан Тејт уапсени во Мајами

19 јули 2026

Браќата Ендрју и Тристан Тејт се уапсени во Мајами во врска со 38 нови обвинувања за силувања и други кривични дела во Британија.
Поранешните професионални кик-боксери, кои стекнаа милиони следбеници на социјалните мрежи на кои се промовираа како мизогини алфа-мажи, во 2022 година беа уапсени во Романија поради обвиненија за силувања, сексуални престапи, организирана експлоатација на жени и трговија со луѓе. Постапката против нив беше прекината поради процедурални пропусти.
Новите 38 обвиненија, покрај 21 претходно, се однесуваат за случаи помеѓу 2010 и 2017 година. Ендрју е обвинет за уште седум точки за силување, три точки за трговија со луѓе заради сексуална експлоатација, три за напад што резултирал со телесна повреда, како и за 19 кривични дела поврзани со непристојни снимки на деца и екстремна порнографија. Тристан е обвинет за силување, сексуален напад и трговија со луѓе.
Британија поднесе официјално барање за екстрадиција на браќата со двојно британско-американско државјанство. Нивниот адвокат тврди дека судот во Мајами ќе ги ослободи по сослушувањето.

извор