Вести › Набрзинка

Вучиќ: Прашање на време е кога блокадерите ќе убијат некого

17 август 2025

„Тие ја загрозија нашата демократија и секој човек, ова е против секој нормален човек во земјата. Банда владее со улиците“, рече Вучиќ за време на своето обраќање во Палатата на Србија.
Вели дека градовите во Србија се празни бидејќи луѓето се плашат да излезат а во меѓувреме страдаат сите, од угостители до фризери, кои не можат да заработат поради ситуацијата и уличните немири.
Вучиќ кажа дека го кажува сето ова заради историјата, да не биде дека не предупредил на она што може да се случи.
„Прашање на ден е кога некого ќе убијат. Не претерувам, само уште тоа им остана“.
Српскиот претседател најави дека за 3-4 дена, државата ќе почне да презема решителни мерки за враќање на редот и законите во државата.

16 август 2025

Помпезно најавувана и организирана, првата средба меѓу актуелните претседатели на САД и Русија заврши со оптимистички пораки но не и со договор за примирје или конечно решение на војната во Украина.
Разговорите траела два часа и 45 минути.
„Имавме исклучително продуктивен состанок и се согласивме за многу точки. Остануваат многу малку спорни. Некои не се толку важни. Сè уште не сме на целта, но имаме многу добри шанси. Нема договор додека не се постигне договор,“ рече Трамп.
Искусниот германски дипломат и поранешен претседател на Минхенската безбедносна конференција, Волфганг Ишингер, оцени дека резултатот од самитот бил „1:0 за Путин“. „Путин доби црвен тепих, а Трамп ништо за возврат“, изјави Ишингер.
После средбата со Путин, Трамп имал подолг телефонски разговор со Зеленски и челниците на НАТО.

15 август 2025

Откако ги прекина односите со едната страна за да ѝ се приближи на другата, лидерот на ДПА, Мендух Тачи, потврдува дека со Владата не е постигнат никаков договор за соработка и дека немаат ниту една заедничка точка.
„Иако покажавме желба за конструктивност, дојдовме до заклучок дека немаме ништо заедничко со политиката на оваа влада и нема да имаме“, вели Мендух Тачи, по неколкумесечни преговори.
Тачи повеќе нема соработка ниту со ДУИ и Европскиот фронт. „Со жалење можам да констатирам дека и разговорите или преговорите со г. Ахмети пропаднаа“.
На последните локални избори, ДПА победи само во Студеничани со Азем Садики. Четири години подоцна, Садики најави дека повторно ќе се кандидира, но како независен кандидат.