- „Ќе ви покажам како изгледа лицемерието кога некој ви држи лекции за европските вредности. Да ве потсетам што се случи пред 8 години во Куманово, кога албански терористи, вистински терористи, ја нападнаа меѓународно признатната суверена држава Македонија, земја членка на ОН. Осум македонски полицајци беа убиени. Што се случи? Тогаш ниту Рама, ниту некој од ЕУ не држеа предавања”, рече Вучиќ во интервју за РТС, покажувајќи слики од „државниот погреб во Приштина” во 2015 година.
- „Правеа комеморација за сите Албанци убиени во Куманово. Цела сала, сите организирани. И никому ништо“, потсети Вучиќ покажувајќи слика и од споменикот на Бег Ризај.
- Бег Ризај, алијас Командант Бегу, беше меѓу убиените во Куманово. Иако загина во оружен напад на друга држава, во Дечани на Косово му изградија споменик, пишуваше Призма пред две години.
- На семејствата на загинатите и уапсените битанги кои вооружени упаднаа во Македонија, владата на Рамуш Харадинај им исплати по 10.000 евра.
- „Улцињ е албански град, заробен од корумпирани политичари“ и ќе биде „ослободен“ на локалните избори во 2027 година, објави на својот профил на Инстаграм потпретседателот на Владата на Црна Гора и министер за економски развој Ник Ѓелошај.
- Соочен со лавина осуди, вицепремиерот одговори дека не изразил територијални претензии кон земјата во која извршува висока функција, туку ја опишувал „историската и демографската посебност на градот“.
- Скандалозната порака е поттикната од вжештената дебата во црногорскиот парламент меѓу претставниците на две албански политички групи: Албанскиот форум – на кој му припаѓа Ѓељошај – и Албанската алијанса, во врска со предлог-законот со кој се воведува статусот „град“ како посебна единица на локалната самоуправа.
- Албанската алијанса тврди дека со новиот закон Улцињ би го изгубил статусот на град. Пратеникот Артан Чоби од Албанскиот форум во расправата изјави дека Улцињ е „древен илирски град со кој се гордеат Албанците ширум светот“ и дека бил „албански град“ кога станал дел од Црна Гора во 1878 година.
- „Многу политичари во Црна Гора јавно се залагаат за граѓанска држава, но зад таа реторика честопати се кријат национални интереси“, забележа политичкиот аналитичар Стефан Ѓукиќ.
- Копнените сили на САД во петмесечната војна против Иран ги потрошиле „практично сите“ залихи на ракети од типот ATACMS (армиски тактички ракетни системи) и PrSM (ракети за прецизни удари), изјавиле за Ројтерс тројца упатени извори од Вашингтон. Тие не наведуваат колку точно ракети земја-земја ѝ останале на располагање на Армијата на САД.
- Ракетите ATACMS испорачани од САД ѝ помогнаа на Украина да напаѓа цели длабоко на руска територија. Ракетите PrSM се од понапредна генерација, со уште поголем дострел. Секоја од нив чини над 1 милиони долари.
- Залихите на PrSM биле мали уште на почетокот на војната, бидејќи тие се релативно нова муниција, но американската војска има нарачано голема количина од нив за 2027 година. Ракетите ATACMS постепено се повлекуваат од употреба и од производство за да бидат заменети со поновите ракети PrSM.
- Изворите на Ројтерс тврдат дека залихите се намалени поради одлуката на администрацијата на Трамп да избегне класични бомбардирања цели во Иран за да не се загрозат пилотите и авионите. Долгострелното оружје е побезбедно, но во исто време е незаменливо за евентуален судир со земји со многу помоќна противвоздушна одбрана, како што е Кина.
- „САД поседуваат далеку повеќе муниција од кој било друг во светот и далеку повеќе отколку што ни е потребно. Нашите одбранбени компании во овој момент произведуваат повеќе муниција од кога било досега и ги прошируваат своите погони и капацитети на рекордно ниво“, изјави неодамна претседателот Трамп.
