- Српскиот претседател Александар Вучиќ ги отфрли обвинувањата дека бил вмешан во „Сараевското сафари“ и најави тужби против медиумите што го поврзуваат со пукањето врз жителите на опсадено Сараево за време на војната во Босна.
- До обвинителството во Милано, кое отвори истрага за случајот, хрватскиот новинар Домагој Маргетиќ поднесе документ во кој тврди дека и Вучиќ бил на локацијата од која богати странци од западните земји плаќале за да пукаат од снајпер врз сараевчани.
- „Никогаш не сум имал снајпер, не сум имал пушка“, изјави Вучиќ коментирајќи ја снимката што ја сподели Маргетиќ. Вучиќ објасни дека носел триножец за камера, бидејќи таму бил како новинар.
- Извештаите по медиумите за неговата наводна поврзаност со „Сараевското сафари“ ја оцени како кампања против него, и тоа во критично време за Србија, кога нафтената индустрија НИС е погодена од американски санкции.
- „Ќе поднесам тужби против оние што имаат многу пари, против Гардијан, Дејли Меил... Ќе ги ангажирам најдобрите адвокати. Нека земат процент од пресудата. Остатокот ќе го дадеме на незгрижени деца или на црквата“, изјави Вучиќ за Информер.
- Министерството за внатрешни работи на својата официјална фејсбук-страница објави фотографија генерирана со вештачка интелигенција, без притоа да ја означи како таква.
- Фотографијата беше објавена како илустрација на информација за спасување планинар на Матка. Корисниците на социјалните мрежи брзо забележаа очигледна грешка – раката на еден од полицајците беше неприродно издолжена, што е една од честите аномалии кај сликите создадени со вештачка интелигенција.
- По реакциите во јавноста, МВР ја повлече спорната фотографија и ја замени со друга.
- САД лани дупчеле рекордни 13,6 милијарди барели сурова нафта дневно, со што се зацврстиле на позицијата најголем производител во светот, на која се уште од 2018 година.
- На второто место во светот во 2025 година била Русија, со 9,9 милиони барели нафта на ден, на третото е Саудиска Арабија со 9,6 милиони барели, а на четвртото е Канада со 5 милиони барели сурова нафта на ден.
- Американците лани го собориле сопствениот рекорд од 13,2 милиони барели на ден постигнат во 2024 година. Проценките се дека годинава ќе го зголемат производството на 13,7 милиони, а и понатаму ќе го зголемуваат, откако администрацијата на Трамп одобри нови договори за дупчење нафта покрај бреговите на Алјаска, Флорида и Калифорнија.
- Во април извозот на сурова нафта од САД достигна 5,6 милиони барели дневно, што е за 21% повеќе од досегашниот рекорд во декември 2023 година. Извозот на нафтени производи, вклучувајќи керозин и бензин, достигна највисоко ниво од декември 2024 година.
- Управата за енергетски информации соопшти зголеменото производство е резултат на подобрената оперативна ефикасност од извлекувањето нафта од шкрилци – операторите просечно добиваат повеќе нафта по бунар.
