- За само два дена, војната во Иран се прошири на два нови фронта и со уште една регионална воена сила. Откако во вторникот саудиски авиони напада база на проиранска милиција во Ирак, ирански дрон вчера погоди американски танкер за гас во египетското пристаниште Дамиета на Средоземно Море.
- Нема значителна штета на танкерот и Египет не е голем извозник на гас, но Иран демонстрираше дека е способен да го загрози бродскиот сообраќај низ Суецкиот Канал и во Средоземно Море.
- Поради иранската блокада, бројот на комерцијални бродови што поминуваат низ Ормускиот проток е намален за 90% од нивото пред војната. По 20 јули, кога јеменските хути објавија дека го затвораат Баб ел Мандеб, бродскиот сообраќај низ протокот е намален за 20%.
- Згора на тоа, Министерството за финансии на САД воведе казни за две компании за поморски транспорт кои се согласиле да му платат патарина на Иран за да поминат бродови низ Ормускиот проток.
- Престрелката, во меѓувреме, не запира. САД синоќа нападнале десетици цели на иранската Револуционерна гарда. Иран возврати со напади врз американски бази во Јордан и бродови во Ормускиот проток.
- На оние што пешки или со точак шпартаат по шумски и планински патеки каде што нема интернет или достапен мобилен сигнал, апликацијата може да им биде доста корисна.
- Таа комбинира детални мапи, планирање рути, ГПС навигација и следење на активностите, додека ја прикажува моменталната позиција директно на мапата, и сето тоа може да работи офлајн.
- Планерот прави разлика помеѓу повеќе начини на патување, па за возење велосипед можете да изберете помеѓу туристичко, планинско и друмско возење, додека пешачките рути може да се прилагодат за да им се даде приоритет на планинарските патеки.
- За планираните рути се прикажуваат растојанието, проценетото времетраење и висинскиот профил, за да можете да процените колку е тешка избраната рута.
- После долга, тешка и исцрпувачка битка со ракот, на 77 години почина Ведрана Рудан, најострото перо и јазик на хрватската јавна сцена.
- Беше новинарка, колумнистка и општествена критичарка, со урнебесно добри книги како „Уво, грло, нож“, „Љубов на последен поглед“, „Црнци во Фиренца,“ „Дабогда мајка те родила...“
- На нејзиниот официјален профил пишува дека „се пресели во подрачје без сигнал“.
- Својата битка со карциномот ја споделуваше со јавноста: Не жалам за ништо.
- Ја имавме на сајт многупати и по разни поводи, секогаш остра, бескомпромисна и незгодно искрена. Алал.
