- Српските производители на млеко тврдат дека во 2023 година биле исплатени субвенции за 80.000 крави повеќе отколку што има во државата.
- Според официјалните податоци, во Србија има околу 150.000 крави а биле исплатени субвенции за 228.000 грла. Тоа значи дека некому му се исплатени вишок субвенции од 3,2 милијарди динари.
- Производителите бараат да се реши овој проблем и предлагаат чипирање што би се финансирало од „прочистениот список“ за субвенционирање.
- По половина век непрекинато објавување по хрватските трафики, домашните читатели, туристите, малцинствата, дипломатите и библиотеките останаа без странски весници и списанија.
- Во април владата ја прогласи дистрибуцијата на весници за „услуга од општ економски интерес“ и ја субвенционираше преку јавен тендер. Дистрибутер беше Хрватската пошта, која се обврза да ја обезбедува оваа услуга во следните пет години. Според Законот за медиуми, странските издавачи ќе мора да основаат хрватска компанија за да можат да учествуваат во субвенционираниот дистрибутивен систем.
- Хрватските издавачи плаќаат 0,15 евра по примерок за дневни изданија и 0,25 евра за повремени изданија, додека странците ќе мора да ја платат целосната пазарна цена. Ова, тврдат издавачите, ги става во нееднаква положба.
- „Во Хрватска дистрибуираме околу милион примероци годишно - кој би платил за тоа? Условите што ги нуди Хрватската пошта се покажаа како финансиски неодржливи. Наплатата за испорака по дистрибуиран примерок во систем за продажба со провизија не постои никаде во Европа“, изјави Маја Цуриќ, директорката на словенечката компанија ДистриЕст која претставува повеќе од 200 странски издавачи.
- Генералниот директор Тим Дејви и главната уредничка Дебора Тарнес поднесоа оставки од ББЦ поради пристрасните известувања за војната во Газа, за теми за трансродови лица, промовирањето на воук агенда и поради монтирањето на говорот на американскиот претседател Доналд Трамп.
- Манипулациите со вестите и содржините ги откри поранешниот внатрешен ревизор Мајкл Прескот, кој го достави извештајот до пратениците и до јавноста преку весникот Дејли Телеграф.
- Дејви, кој беше директор на ББЦ од 2020 година, изјави дека британската јавна корпорација „ги дефинирала златните стандарди на новинарството низ светот“, но призна дека правела и грешки. Уредничката Тарнес во својата оставка ги отфрли тврдењата дека „ББЦ Њуз била пристрасна“.
- ББЦ се финансира од лиценца што ја плаќаат сите домаќинства во Британија. Критичарите бараат да се воведе нов модел за финансирање и истакнуваат дека ББЦ ги задушува либералните ставови. Впечатлив беше скандалот со најпопуларниот спортски коментатор Гари Линекер, кој беше суспендиран затоа што ја критикувал владината политика за имигрантите. Во знак на протест оставка поднесоа новинари од спортската редакција.
- ББЦ повлече документарец за Газа откако беше откриено дека наратор бил син на министер на Хамас. Во документарец на емисијата Панорама емитуван лани, говорот на Трамп бил сечен, лепен и монтиран за да изгледа дека повикува на насилен упад врз Капитолот на 6 јануари 2021 година.
