Вести › Набрзинка

Владата зависи од градоначалникот на Желино, не од оставката на Заев. Сериозно.

5 ноември 2021

ДИК одлучи дека во Желино ќе има прегласување за градоначалник.
Беса ќе одлучува дали заради поништувањето на победата на нивниот градоначалник ќе ја напушта Владината коалиција.
Во Желино во вториот круг победи кандидатот на Беса со 69 гласови разлика, на нешто повеќе од вкупно 10.000 гласови.
Кога пред неколку дена Заев даде оставка, од Беса сталожено порачаа дека „парламентарното мнозинство е стабилно“.

6 октомври 2026

Мерката куќен притвор за Артан Груби ќе истече на 13 октомври. Согласно Законот за кривичната постапка, притворот во вакви случаи може да трае најмногу 60 дена од денот на поднесувањето на обвинителниот предлог.
И по истекот на куќниот притвор ќе продолжи да важи дополнителната мерка на претпазливост – привремено одземање на патната исправа и забрана за издавање нова патна или друга исправа за преминување на државната граница.
Груби и неговата одбрана бараат и таа мерка да биде укината.
Како гаранција дека ќе биде достапен на органите на прогонот во текот на кривичната постапка, нуди недвижен имот во вредност од 335.707 евра.

5 октомври 2026

Околу 500 средни училишта во Франција се затворени заради протестите на учениците во нивните лицеи кои минатите денови знаеја да бидат и насилни.
„Безбедносните услови не се исполнети“ гласи официјалната причина за неработењето, особено што за утре се најавени и помасовни протести.
24 училишта биле запалени или ограбени а 78 вработени повредени од почетокот на протестите.
Тинејџерите од француските средни училишта се жалат на чести отсуства од работа од страна на наставниците, предолги училишни денови и дотраени објекти. Тие протестираа и поради недостатокот на соодветно ладење во жешките летни денови.