Вести › Набрзинка

Владата се премисли, наместо Мехмеди за директор на М-НАВ го предлага Хекуран Асани

9 јануари 2024

Промената доаѓа откако стана јасно дека првичниот предлог – Илир Мехмеди, не ги исполнува условите за функцијата за која го предлага Владата затоа што нема валидна дозвола за надзорен контролор за летање, ниту, пак, има најмалку шестгодишно работно искуство како контролор.
Новиот предлог – Хекуран Асани, е активен контролор на летање во М-НАВ и, според проверките, ги исполнува барањата наведени во член 17 од Статутот на Акционерското друштво во државна сопственост М-НАВ.
По упадот и “кошкањето”во М-НАВ, зарѓаната шклопоција наречена влада имаше цели пет дена да смисли предлог за нов директор за кој медиуми за 15 минути им кажаа дека не исполнува основни услови за таа функција.

16 септември 2026

Администрацијата на Трамп ќе скрати воена помош за Македонија, Словачка, Тунис и Ирак во вкупна вредност од 52 милиони долари и ќе ги пренамени за Панама, Перу, Еквадор и Колумбија.
Военото финансирање Македонија и на другите три земји нема целосно да биде укинато, но не е познато за колку ќе биде скратено.
„Средствата ќе се користат за борба против нарко-тероризмот во нашето непосредно опкружување и за помош во натамошното обезбедување на Панамскиот Канал“, соопшти Стејт департментот.
Државниот секретар Марко Рубио минатата недела ги посети Колумбија, Еквадор и Перу и им вети дополнителна поддршка. САД веќе најавија префрлање на приоритетите кон Западната хемисфера.

16 септември 2026

Стотици следбеници на Хашим Тачи го нападнаа Хашкиот трибунал и се судрија со полицијата, откако поранешниот лидер на ОВК беше осуден на 25 години затвор поради воени злосторства.

На плоштадот „Маливелд“ во Хаг полицијата била нападната со стапови и цигли, на што одговорила со бибер-спреј и солзавец.

Интервенирале и специјалните полициски сили, кои приведувале насилни демонстранти.

Тачи е прогласен за виновен за 4 од десетте точки од обвинението за воени злосторства: за произволно лишување од слобода, за мачење, за сурово постапување и за убиства на 96 луѓе. За воени злосторства се осудени и неговите соработници Јакуп Красниќи (25 години затвор), Кадри Весели (18 години) и Реџеп Селими (13 години).