Вести › Набрзинка

Владата намалува ДДВ на горива од 18 на 10 отсто

23 март 2026

Намалувањето на ДДВ-то би требало да доведе да нема зголемување на цената на бензините, а до три денари повисока цена на дизелот. Според пресметките, новата цена на бензинот треба(ше) да биде поголема за 6,5, а на дизелот за 10,5 денари.
Засега нема да има ограничување за странци кои дневно во Македонија точат до 150.000 литри гориво, што е десет проценти од вкупната количина.
„Ако порано се случуваше естрада поради донација од 5.000 вакцини, сега граѓани од соседните земји точат гориво кај нас, бидејќи така заштедуваат и на тој начин го штитат својот стандард во своите земји. Онаа Македонија која беше на колена за да добие некаква донација сега рефлектира стабилност и претставува фактор на сигурност за граѓаните од соседните земји“, вели Мицкоски.
Премиерот уверува дека Владата нема да дозволи ценовен шок на прехранбените производи. „Државниот пазарен инспекторат е на терен и од она што го гледаме, има поскапување кај маслото и кај јајцата. Зборувам за поскапување коешто е видливо и значајно, кај останатите производи цените во принцип не отстапуваат“, изјави тој.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор