Вести › Набрзинка

Вечер: Се трага по ПАЛЧО - нарачател на ликвидациите на малата Вања и велешанецот

3 декември 2023

Институциите трагаат по лицето ЉП, познат како Палчо, во врска со двете убиства: на малата Вања и 74 годишниот ПЖ од Велес, дознава Вечер.мк од извори во истрагата.
Потерницата по него е распишана откако сторителите на убиството во истрага го признале делото - убиството на Вања и човекот од Велес.
Вториот извршител од групата пет осомничени е лицето со иницијали ВМ од Велес. Тој исто така го признал делото и деталите од извршувањето.
И Фокус пишува дека скопјанецот Љупчо Палевски – Палчо го поврзуваат со киднапирањето и убиството на младата Вања. Според информациите, тој е надвор од Македонија. Дел од информациите велат дека пред неколку дена се упатил кон Турција.
Според Прес 24, 64 годишен жител на селото Бразда е главниот осомничен за убиството на 14 годишната Вања. Според нивни извори ова е лицето кое во моментов единствено се товари за делото убиство додека останатите биле поврзани со грабнувањето.

извор

Бес во Израел заради прекинот на огнот

8 април 2026

„Ова е политички и стратешки пораз! Во целата наша историја, таква катастрофа никогаш не се случила“, го коментира примирјето шефот на израелската опозиција, Јаир Лапид.
Вели дека Бенјамин Нетанјаху не исполнил ниту една цел која си ја имал зададено иако војската направила сè што барал.
Лапид потсетува дека Израел не ни бил вклучен во преговорите и дека на државата „ќе ѝ требаат години за да се опорави од политичката и стратешката штета“ што Нетанјаху ја предизвика со својата ароганција, невнимание и недостаток на стратешко планирање.
Претседателот на партијата Израел Бејтену, Авигдор Либерман, оцени дека ваков договор со Иран значи дека Израел во иднина ќе мора повторно да влезе во конфликт, под потешки услови и по повисока цена.

извор

Одбиен предлогот за ограничување на учеството во странски војни

8 април 2026

Предлогот на пратеничката група на Левица за измени и дополнувања на Законот за одбрана не доби поддршка во Собранието, откако пратениците од СДСМ гласаа против, а пратениците од ВМРО-ДПМНЕ не гласаа.
„Собранието треба да ја ограничи Владата, така што армијата ќе се користи само во мисии со меѓународен легитимитет, одобрени од Советот за безбедност на Обединетите нации“, истакна Реџеп Исмаил.
„Со ова се елиминира можноста македонскиот војник да биде испраќан во геополитички лавиринти без јасен меѓународно-правен легитимитет, како монета за поткусурување во туѓи пресметки“.
Досегашните интервенции на НАТО – од Југославија, преку Ирак до Либија – покажуваат примери на операции без соодветен или залоупотребен мандат. Во образложението беше посочено и дека постои ризик од индиректно вклучување во конфликти преку поддршка, како што е испораката на оружје за Украина, што може да има економски, енергетски и безбедносни последици.

извор