Вести › Набрзинка

Вакво вазалство ни маршал Петен нема нудено

7 април 2024

Османи предлага странци да кажуваат кој може да биде функционер во Македонија.
Како кандидат за претседател од Европскиот фронт, на Бујар Османи еден од најважните приоритети ќе му било формирање на меѓународен борд составен од претставници од САД, ЕУ и НАТО кои ќе прават пре-сертифицирањето на сите носители на јавни функции во две насоки, дали имаат некаква поврзаност со руските интереси и дали се вмешани во каква било форма на корупција.
„Потсетувам дека на овој начин секој што ќе биде предложен или ќе има амбиции за која било јавна функција, прво ќе треба да го добие овој сертификат од овој Меѓународен борд, од овие институции, а доколку може да ги помине филтрите што ги наметнуваат овие институции тогаш ќе може да стане министер, ќе може да стане директор, судија или обвинител“, нагласи Османи.
Оние што се докопаа до позиција да ја управуваат државата, сè ќе сторат да нè убедат дека таа држава не ја бива па ни треба борд, камшикар, воспитачка, пелени...

извор

Градоначалникот на Истанбул соочен со 2.340 години затвор

11 ноември 2025

Против Екрем Имамоглу, притворениот градоначалник на Истанбул, се покренати 142 обвиненија за корупција, за кои е предвидена вкупна казна од 2.340 години затвор.
Обвиненијата на вкупно 3.700 страници се однесуваат на случаи за проневера, измама и перење пари. Покрај Имамоглу, уште 402 лица од криминалната организација „октопод“ се обвинети за предизвикување штета од вкупно 160 милијарди лири (3,3 милијарди евра) во изминатата деценија.
Целта на организацијата, според обвинителите, била преземање контрола врз Републиканската партија и собирање фондови за претседателската кампања.
Имамоглу, кој е во притвор од 19 март, ги отфрла сите обвиненија и тврди дека е жртва на политички прогон, како главен противник на претседателот Реџеп Тајип Ердоган.

извор

Порака од Москва: Бугарија со Лукоил прави опасен преседан

11 ноември 2025

Руската амбаасдорка во Софија смета дека постапките на бугарските власти кон Лукоил се „избрзани и правно сомнителни“ и дека со законот за државно преземање на конртолата на Лукоил тие играат „многу рискантно“ и прават „опасен преседан.“
Елеонора Митрофанова кажа дека со законот за специјален управител на рафинеријата, кој беше усвоен „брзо во две читања“, не само раководството на рафинеријата, туку и акционерите и сопствениците на компанијата ќе бидат лишено од управувачки права. Притоа, сите одлуки на управителот, вклучително и оние во врска со евентуалната продажба на рафинеријата, не подлежат на административна или судска контрола.
„Останува да се види како ќе функционира тој закон но во моментов тоа изгледа како експропријација на туѓ имот,“ вели амбасадорката.
Рафинеријата на Лукоил „Нефтохим Бургас“ е една од најсовремените во Европа, снабдува приближно 80% од пазарот на горива во Бугарија и извезува енергенси во соседните земји.

извор