Вести › Набрзинка

Унгарија ја тужи ЕУ поради забраната за руски гас

3 февруари 2026

Само неколку часа откако во ЕУ стапи во сила новиот закон за забрана за увоз на руски гас, Унгарија поднесе тужба и побара од највисокиот суд на Европската Унија да го поништи законот.
Земјите-членки кон крајот на 2025 година ја усвоија забраната и покрај противењето на Унгарија и на Словачка.
„Прво, увозот на енергија може да се забрани само преку санкции, за кои е потребна едногласност. Оваа регулатива беше усвоена под маската на мерка на трговската политика. Второ, договорите на ЕУ јасно наведуваат дека секоја земја-членка одлучува за својот избор на извори на енергија и добавувачи. Трето, принципот на енергетска солидарност бара безбедност на снабдувањето со енергија за сите членки. Во случајот на Унгарија оваа одлука јасно го крши тој принцип, изјави шефот на дипломатијата Петер Сијарто.

Словачка исто така најави дека ќе го оспори законот на суд. „Не можеме да прифатиме решенија што не ги одразуваат реалните капацитети и специфичните околности на секоја членка“, изјави министерот за надворешни работи Јурај Бланар.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор