- Неколку часа откако лидерите на ЕУ се договорија да отворат преговори за членство со земјата која е во војна, Виктор Орбан стави вето на финансиската помош на Унијата за Украина.
- Преговорите околу таа помош ќе продолжат следната година а во меѓувреме остануваат блокирани и американските 61 милијарда долари за Украина, поради скепсата на Републиканците околу целисходноста на таа политика.
- Преговори за членство на Украина и Молдавија изгласаа 26 европски лидери додека, договорено, Орбан не присуствуваше на гласањето за одлуката да биде едногласна.
- По поканата за Украина, таканаречените „критериуми“ и „исполнување услови“ никогаш претходно не биле така отворено соголени како фарса.
- И едните и другите очекуваат денешните протести во Белград да бидат разврска на повеќемесечните студентски блокади.
- Во последното ТВ обраќање, српскиот претседател порача дека нема да дозволи улицата да ги одредува правилата и дека нема да дозволи преодна/експертска влада.
- Оној дел од јавноста кој ги подржува студентите и нивните барања се убедени дека масовноста и упорноста на протестите ја делегитимираат власта на Вучиќ.
- Тие очекуваат во Белград денес на улица да излезат и половина милион луѓе од градот и цела Србија кои масовно почнаа да доаѓаат уште претходната ноќ. Вучиќ проценува дека протестите ќе бидат масовни, но далеку помалку - околу 80.000 луѓе.
- Многу убави и ведри луѓе полни надеж има на улиците, но затоа на социјалните мрежи (оние кои од човекот го вадат најлошото) е одвратно: жестоко омаловажување и дехуманизирање на оние другите: или се странски платеници и анти-српски шовинисти или се багра, гамад, сендвичари...
- И медиумите се жестоко поделени (види - ОВДЕ).
- Горе-долу, сме го виделе сето тоа. Само што засега се нема појавено нивниот „Заев“.
- „Германија се враќа! Германија прави значителен придонес за одбраната на слободата и мирот во Европа. Ова е јасна порака до нашите партнери, но и до непријателите на нашата слобода. Способни сме да се одбраниме“, објави идниот канцелар Фридрих Мерц откако обезбеди поддршка од Зелените за огромно задолжување на владата.
- За такво задолжување неопходно е да се промени Уставот. Конзервативците на Мерц, заедно со социјалдемократите и Зелените имаат двотретинско мнозинство во актуелниот состав на Бундестагот.
- Со задолжувања ќе биде формиран фонд од 500 милијарди евра за обнова на инфраструктурата. Поголемиот дел ќе биде насочен кон одбранбените капацитети.
- Зелените на преговорите издејствувале 100 милијарди за „климатска трансформација“.
