- Во пресметка со молотови коктели, камења и солзавец прераснаа масовните демонстрации во Атина на втората годишнина од железничката несреќа кај Темпи во централна Грција, во која загинаа 57 луѓе, претежно ученици.
- Протести има во повеќе од 200 градови низ Грција и дијаспората. Штрајкуваат железничари, контролори на лет, лекари, наставници и адвокати...
- Гневот е поради сомневањата дека се брзало да се расчсти местото на несреќата, за да бидат уништени клучни докази. Нема одговори ни на прашањето што ја предизвикало експлозијата во еден од вагоните, која уби уште десетици луѓе.
- Заедничката прес конференција на Доналд Трамп и Володимир Зеленски е откажана, соопшти Белата куќа.
- Украинскиот претседател кој беше во Вашингтон заради потпишување на договорот за ретки минерали ќе си оди дома порано од планираното.
- Трамп напиша дека „Зеленски не е подготвен за мир“ и се потпира на тоа дека американската вклученост му дава предност во преговорите. „Јас не сакам предност, јас сакам мир!“, напиша Трамп.
- Зеленски може да се врати кога ќе бид подготвен за мир, порача американскиот претседател.
- Сервисот за видео-повици и пораки Скајп ќе биде изгаснат во мај, на возраст од 14 години.
- Сопственикот Мајкрософт ги упатува корисниците да мигрираат на Тимс фри. Им гарантира дека автоматски ќе им бидат префрлени сите контакти и историја на комуникации.
- Скајп се роди во 2003 година како чедо на шведски, дански и естонски програмери. Ибеј го купи во 2005 за 2,6 милијарди долари, а Мајкрософт во 2011 за 8,5 милијарди.
- Сервисот денес активно го користат 36 милиони луѓе.
