- 12 руски цивили се убиени а 121 се ранети, вклучувајќи десет деца од почетокот на украинскиот упад на руска територија во пограничната област Курск.
- Под украинска контрола се 28 населби и територија од околу 1.000 квадрати километри.
- Од областа во која се очекува сериозен руски контра-напад веќе се евакуирани 121.000 луѓе а 70.000 се на пат да ги напуштат домовите.
- Владата прогласи кризна состојба од 30 дена на целата територија на Македонија поради зголемената појава на пожари.
- „Ова на терен значи дека се овозможува интегриран пристап и координирано дејствување на сите надлежни институции - Армијата, полицијата, сите противпожарни единици, Центарот за управување со кризи и Дирекцијата за заштита и спасување и локалните самоуправи. Ќе се мобилизираат сите човечки, технички, логистички и други ресурси“, изјави портпаролката Марија Митева.
- Владата ќе обезбеди помош за сите засегнати подрачја за да се спречат поголеми последици. Ги повика граѓаните да бидат максимално внимателни и да ги почитуваат сите препораки и забрани.
- До 12.30 часот имало 9 активни и еден локализиран пожар на отворено, соопшти Центарот за управување со кризи (ЦУК).
