Вести › Набрзинка

Украина кине гас за Словачка, Словачка ќе кине струја за Украина

2 јануари 2025

Владеачката коалиција во Словачка разгледува со кои мерки ќе возврати на потегот на Украина да го прекине доводот на руски гас за оваа земја преку нејзина територија.
Се разгледува прекин на испораката на електрична енергија за Украина и намалување на давачките за украинските бегалци кои прибежиште најдоа во Словачка.
Словачка вели дека ако и се прекине енергенсот, ќе бара компензација на штетите кои ги проценува на 500 милиони евра а дека Европа ќе претрпи вкупна штета од 120 милијарди евра.

извор

Пола од младите нема да можат да го разберат ова

9 септември 2026

Најновиот меѓународен извештај од Програмата за меѓународно оценување на учениците (ПИСА) покажа дека над половина од 15 годишниците во Македодонија се функционално неписмени.
Според податоците од тестирањето, македонските ученици постигнаа 380 бода по математика, 378 бода по природни науки и 357 бода во читање со разбирање, што ја става земјата на самото дно во регионот, зад Словенија, Хрватска, Црна Гора, Србија и Албанија, а единствено пред Косово.
Алармантен е податокот што дури 74 отсто од 15-годишниците во Македонија не го достигнуваат ниту основното ниво на читање со разбирање (ниво 2), односно имаат сериозни потешкотии да анализираат информации, да препознаат факт од мислење или да извлечат заклучок од посложен текст.
Посебно загрижувачки е недостатокот на ученици со највисоки постигања. Немаме ученици кои достигнале ниво 5 или 6 по природни науки, а просекот на ОЕЦД е 7 отсто. На овие нивоа нема ученици ни по читање, наспроти просекот од 6 отсто во ОЕЦД а по математика, само 1 отсто од учениците во земјава се меѓу најуспешните, односно достигнуваат ниво 5 или 6, наспроти 8 отсто во просек во ОЕЦД.
Истражувањето покажа дека родителите се поретко ги прашуваат децата како им е во школо.

извор

Британија го обвини Израел за етничко чистење на Западниот брег

9 септември 2026

Шефот на британската дипломатија Ед Милибанд го обвини Израел дека поддржува терористи помеѓу еврејските доселеници кои вршат етничко чистење на Палестинците од Западниот Брег. Ова е најостра осуда од Британија за државата Израел од нејзиното основање.
Милибанд се воздржа да ги опише како „геноцид“ дејствијата на Израел во Газа, но истакна дека постојат докази за воени злосторства.

„Обединетото Кралство предолго се двоумеше да преземе акција, од страв да не биде обвинето за антиизраелски став... додека продолжуваат ужасните страдања на Палестинците“, истакна премиерот Енди Бурнам.
Првата конкретна мерка на Лондон се трговски санкции за израелски производи што потекнуваат од окупираните палестински територии: забрана за увоз на стоки од нелегалните населби; запирање на градежни услуги или финансирање за израелските населби; и забрана за дозволи за оружје и „друг извоз што суштински придонесува кон окупацијата“.
Како одговор, израелскиот министер за надворешни работи, Гидеон Сар најави затворање на конзулатот на Обединетото Кралство во Ерусалим и забрана за влез во Израел за 12 британски пратеници и активисти.

извор