- Владеачката коалиција во Словачка разгледува со кои мерки ќе возврати на потегот на Украина да го прекине доводот на руски гас за оваа земја преку нејзина територија.
- Се разгледува прекин на испораката на електрична енергија за Украина и намалување на давачките за украинските бегалци кои прибежиште најдоа во Словачка.
- Словачка вели дека ако и се прекине енергенсот, ќе бара компензација на штетите кои ги проценува на 500 милиони евра а дека Европа ќе претрпи вкупна штета од 120 милијарди евра.
- Американската војска не пронашла никакви докази дека Иран поставил мини во Ормускиот проток и покрај повеќемесечни пребарувања со подводни дронови, роботски системи и авиони, јавува NBC News, повикувајќи се на функционери од Вашингтон.
- „Ако ништо друго, заканата не е толку голема колку што се плашевме“, изјавил изворот.
- Само неколку часа претходно Трамп тврдеше дека САД „веќе детонирале бројни ирански мини и дека сите преостанати ќе бидат отстранети согласно идниот мировен договор“.
- Пентагон во април предупреди дека „за чистењето на иранските мини ќе бидат потребни шест месеци“.
- Откако почна војната пред три месеци, Иран никогаш не кажал дека поставил мини во Ормускиот проток. На 12 март ја отфрли како неточна изјавата на Трамп дека американските сили погодиле 28 ирански бродови за поставување мини.
- Германските служби за безбедност предупредуваат на можен нов бран украински бегалци од Полска, откако Варшава ги заостри мерките кон 960.000 бегалци што ги прими откако почна војната.
- „Од март, Полска им дава значително помали социјални бенефиции на бегалците од Украина. Субвенциите за домување, храна и посебна здравствена заштита сега се достапни само за особено ранливи лица како што се вработени, малолетници и жртви на тортура или силување. Се елиминираат бесплатниот пристап до здравствени и социјални услуги и правото на бесплатно сместување“, пишува Билд, цитирајќи доверлив извештај на германските служби за безбедност.
- Украинците веќе сочинуваат повеќе од половина од сите нелегални влезови во Германија. Ова се првенствено мажи на военоспособна возраст, на кои НЕ им е дозволено да ја напуштат земјата.
- Околу 4,4 милиони Украинци имаат „статус на привремена заштита“ во ЕУ - тие можат да работат, да добиваат социјални бенефиции и да одат на лекар без да аплицираат за азил. Во Германија заштита добиле 1,35 милиони Украинци по руската инвазија во 2022 година.
