Вести › Набрзинка

Украина е спремна да прифати демилитаризирана зона во Донбас

12 декември 2025

Киев попушта за една од клучните точки од мировните преговори со САД и Русија - воспоставување демилитаризирана зона во Донбас, слична на онаа помеѓу Северна и Јужна Кореја, само подлабока и поширока. Украинските сили целосно би се повлекле од териториите на Луханск и Доњецк, но Киев бара гаранции дека руските сили нема да навлезат.
„Демилитизирана зона мора да постои од двете страни на линијата“, изјави украинскиот преговарач Михајло Подољак за Ле Монд. „Ќе биде потребно да се дефинира дали треба да се повлечат сите видови оружја, или само тешкото. За да се спречат прекршувања, мора да има странски мисии на теренот. Ова е природен формат за крај на конфликтот, со оглед на тоа што дел од територијата за жал ќе остане под де факто руска окупација и дека во секој случај ќе се воспостави линија на раздвојување“.
Подољак додаде дека за Киев би било идеално САД да учествуваат во силите за надзор и контрола на примената на договорите во зоната.
Претседателот Володимир Зеленски потврди дека САД предложиле демилитаризирана зона, но истакна дека какви било територијални отстапки мора да бидат потврдени на избори или на референдум, кои тешко може да се одржат додека се војува.
За ова прашање утре во Париз би можел да се одржи состанок на претставници од САД, Германија, Британија, Франција и Украина, а два дена подоцна лидерите на овие земји би требало да се сретнат со американскиот претседател Трамп.

извор

Јанез Јанша ги укина рестрикциите за Израел и забраната за влез на Нетанјаху

12 јуни 2026

Владата на премиерот Јанез Јана ја укина забраната на Словенија за извоз и транзит на оружје во Израел, заедно со политичките и економските ограничувања наметнати од претходната администрација под Роберт Голоб.
Министерството за одбрана соопшто дека претходното ембарго за оружје е непотребно бидејќи трансакциите со оружје остануваат регулирани од постојното национално законодавство и правилата на Европската Унија кои веќе се во сила.
Укинати се и забраните за влез за израелските лидери, вклучувајќи го премиерот Бенјамин Нетанјаху и неговите најрадикални министри Безалел Смотрич и Итамар Бен-Гвир.
За возврат Ерусалим објави планови за наскоро отворање амбасада во Љубљана а Јанша доби епитети на „вистински лидер“ и „искрен пријател на Израел“.

извор

Милиони евра се трошат на комисии кои враќаат пациенти со траен инвалидитет

11 јуни 2026

Државата губи повеќе од 2 милиона евра годишно за хонорари на комисиите кои непотребно ги враќаат пациентите кои имаат траен инвалидитет за повторна евалуација.
Праксата е толку бизарна што и луѓе со ампутирани екстремитети мора да дојдат на проценка два пати годишно, како во меѓувреме да може да им порасне ампутираната нога или рака.
Слично е и со луѓе со мозочен удар, патрапелгичари, оние кои страдаат од мултипла склероза.... Ама важно комисиите добиваат хонорари.
„По нашите првични анализи, негде 140 милиони денари (над 2 милиона евра – н. з.) државата троши дополнителни средства заради тоа што непотребно се враќаат пациентите за кои имаат траeн инвалидитет, а се враќаaт во здравствениот систем за на секои шест месеци или една година добијат решение за инвалидитет“, рекол министерот за здравство Азир Алиу.

извор