Вести › Набрзинка

Уапсени двајца за кражбата во Лувр

27 октомври 2025

Двајца мажи од париското предградие Сена Сен Дени, осомничени за кражбата на скапоцениот накит, биле уапсени во обид да ја напуштат Франција.
Едниот осомничен бил фатен на аеродромот Шарл де Гол, пред да се качи во авион за Алжир. Вториот бил приведен во обид да замине во Мали, во Африка. И двајцата имале двојно државјанство - и на Франција и во земјите во кои требало да патуваат.
Едниот осомничен бил откриен врз основа на ДНК пронајдена на шлемот што крадците го оставиле во Лувр. Полицијата го следела и го прислушувала.

🇫🇷 FIRST FOOTAGE EMERGES FROM LOUVRE HEIST

Newly surfaced video from inside the Louvre Museum shows the moment a man disguised as a construction worker carried out the daring theft in the Apollo Gallery, home to some of France’s most prized treasures.

The footage captures the… https://t.co/zVPqeFyfkG pic.twitter.com/qz7ynQyUUn
— Mario Nawfal (@MarioNawfal) October 20, 2025

Сè уште се бараат другите двајца крадци, а се истражува и веројатноста дека тие имале и помошник меѓу вработените во музејот.
На 19 октомври среде бел ден крадците преку прозорец упаднале во Лувр и заминале со кралски накит проценет на околу 90 милиони евра.

извор

Флорида забрани социологија на државните универзитети

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

извор

Руски милијардер најде решение за економијата: да се работи 6 дена по 12 часа

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.

извор