Вести › Набрзинка

Уапсен Ацо Ѓукановиќ, братот на Мило

28 февруари 2026

Црногорската полиција синоќа го приведе бизнисменот Ацо Ѓукановиќ, брат на поранешниот претседател Мило Ѓукановиќ, поради нелегално поседување оружје.
При претрес на неговиот имот во Никшиќ полицијата пронашла три пушки, муниција, полициска опрема и панцири.
Ацо Ѓукановиќ важи за еден од најбогатите луѓе во Црна Гора. Тој е најголемиот акционер во Прва банка, која е под сомневања за перење пари. Нејзиното пропаѓање во 2008 година беше спасено со интервенција од владата.
По изборите во 2020 година - првите на кои партијата ДПС на Мило Ѓукановиќ загуби од опозицијата, Ацо се преселил во Луксембург, а потоа и во Италија. Според Вијести, се вратил во Црна Гора пред неколку дена.

28 февруари 2026

Претседателот Доналд Трамп се соочува со жестока реакција од неговото движење MAGA откако започна напад врз Иран за кој признава дека ќе може да однесе и американски жртви.
Нападот се случи само неколку часа откако ЏејДи Венс проба да ги смири стравувањата на приврзаниците на Make Amerika Great Again од уште еден конфликт на кој не му се гледа јасен крај.
Конгресменката на МАГА, Ана Паулина Луна, напиша на X: „Молете се за нашата земја. Молете се за нашите војници и нивните семејствa. Молете се за невиниот народ на Иран.“
„НИКОЈ НЕ ЈА САКА ОВАА ВОЈНА,“ напиша големиот фан на Трамп, контроверзниот Ендрју Тејт.

„Колку одвратно. F--- you, Mr. President“, напиша Мило Јанопулос.
И Ник Фуентес од крајната десница го потсетува Трамп на главното ветување на неговото движење: „Не за војна со Иран. Израел нè вовлекува во војна. Америка на прво место“.
Трамп ја започна војната без одобрение на Конгресот па наместо војна, ја нарече „голема воена операција.“ Им порача на Иранците да го срушат режимот откако тие ќе завршат: „Ова веројатно ќе биде вашата единствена шанса со генерации“.

28 февруари 2026

Најмалку 40 девојчиња загинале откако проектил истрелан од САД и Израел погодил основно училиште во јужен Иран, соопштија локалните новински агенции.
Проектилот го погодил училиштето Шаџарех Тајебех во градот Минаб во јужната покраина Хормозган, кога во него имало 170 девојчиња. Жртвите се на возраст помеѓу 7 и 12 години, според агенциите Тасним и Фарс.

Повредени се 45 лица, а не се знае точно колку луѓе се блокирани под урнатините.
Локалната агенција Мехр јави дека уште двајца ученици загинале при напад врз училиште источно од главниот град Техеран.