Вести › Набрзинка

Турција испрати дронови на Косово

9 октомври 2025

Албин Курти објави дека контејнери со камиказе турски борвбени дронови "Скајдагер" стигнале во Приштина.
Александар Вучиќ рече дека Турција брутално ја крши повелбата на ОН и Резолуцијата 1244 со континуирано наоружување на Приштина.
„Сега е потполно јасно дека Турција не сака стабилност на Западен Балкан и сонува за обновување на Османлиското царство. Србија е мала земја но ги сфаќаме нивните вистински намери,“ порача Вучиќ.
Директорот на Канцеларијата за Косово и Метохија потсети дека според Резолуцијата 1244, КФОР е единствената вооружена сила на Косово.

извор

Апсења за криминали во РЕК Битола

9 октомври 2025

Вкупно 8 лица се осомничени во последната акција на Финансиската полиција и битолското Обвинителство.
Меѓу приведените покрај сопственикот на компанијата Марковски, Борче Марковски, осомничен и еден вработен во оваа приватна фирма.Останатите осомничени се дел од поранешното раководство (технички директори) на ЕСМ и РЕК Битола.
„Марковски компани ДООЕЛ“ од Битола е компанија која повеќе од две децении е активна во градежниот сектор, но стана најпозната по своите милионски договори со РЕК Битола. Марковски во јавноста е познат и како почесен конзул на Белорусија во Македонија.
Своевремено, на прес-конференција беше објавено дека омилената фирма на власта ќе заработува 63.000 евра дневно, со само 10 булдожери во РЕК Битола, пренесува Плус инфо.

извор

Србија има нафта до Нова година

9 октомври 2025

Американските санкции за српската нафтена индустрија НИС ќе имаат „исклучително сериозни“ економски и политички последици, оцени српскиот претседател Александар Вучиќ.
Согласно санкциите за енергетските компании што соработуваат со Русија, Министерството за финансии на САД ја блокираше лиценцата за оперативно работење на НИС, која е 45% во сопственост на рускиот гигант „Газпром“. НИС снабдува со гориво 80% од српскиот пазар.
„Прашање е дали ќе го добиеме последниот танкер со нафта. Рафинеријата може да работи до 1 ноември. Потоа почнуваат проблемите со дериватите. Во вкупните резерви имаме 342.000 тони дизел и над 66.000 тони бензин. Резерви на мазут има за најмалку 120 дена. Електростопанството има 57 милиони тони мазут за една година. Во топланите во некои места нема доволно, но ќе обезбедиме мазут. Што се однесува до горивото, нема да има проблеми до Нова година. Сите складишта се полни“, рече Вучиќ.
Хрватска изрази спремност да ја купи Нафтената индустрија на Србија за да ѝ обезбеди континуитет во работењето, изјави министерот за економија Анте Шушњар.
„Многу сум среќен што се заинтересирани за купување на НИС, што значи дека им е грижа за Србија. И ние сме заинтересирани за купување на Хрватската електроенергетска компанија. Ќе им ја дадеме најдобрата понуда во светот, 50% повеќе од кој било друг, одговори Вучиќ.