Вести › Набрзинка

Тридневна жалост во Црна Гора поради масакрот во Цетиње

2 јануари 2025

Во безумен крвав поход во Цетиње, 45 годишниот Ацо Мартиновиќ уби 12 и рани четворица. Подоцна, опколен од полицијата, кога сфатил дека е во безизлез, пукал во себе и починал на пат кон болница.
Излудениот Мартиновиќ пукал во сè што му дошло пред очи: роднини, пријатели, кумови.... Две од неговите жртви се деца на 10 и 13 годишна возраст.
На убиствата им претходела кафеанска расправија по што Мартиновиќ заминал и се вратил со оружје убивајќи го сопственикот на локалот и неговите деца, како и членови на сопственото семејство. Според официјалните лица, убиствата ги извршил на четири локации.
По џебовите имал уште 80 куршуми.
Отпосле го опишуваат како опасна и брутална личност. Во 2005 година, бил осуден на условна казна за насилничко однесување. Пред две години во неговиот дом било пронајдено оружје и експлозиви. Бил првостепено осуден на три месеци затвор, но не била донесена правосилна пресуда.

извор

Пола од младите нема да можат да го разберат ова

9 септември 2026

Најновиот меѓународен извештај од Програмата за меѓународно оценување на учениците (ПИСА) покажа дека над половина од 15 годишниците во Македодонија се функционално неписмени.
Според податоците од тестирањето, македонските ученици постигнаа 380 бода по математика, 378 бода по природни науки и 357 бода во читање со разбирање, што ја става земјата на самото дно во регионот, зад Словенија, Хрватска, Црна Гора, Србија и Албанија, а единствено пред Косово.
Алармантен е податокот што дури 74 отсто од 15-годишниците во Македонија не го достигнуваат ниту основното ниво на читање со разбирање (ниво 2), односно имаат сериозни потешкотии да анализираат информации, да препознаат факт од мислење или да извлечат заклучок од посложен текст.
Посебно загрижувачки е недостатокот на ученици со највисоки постигања. Немаме ученици кои достигнале ниво 5 или 6 по природни науки, а просекот на ОЕЦД е 7 отсто. На овие нивоа нема ученици ни по читање, наспроти просекот од 6 отсто во ОЕЦД а по математика, само 1 отсто од учениците во земјава се меѓу најуспешните, односно достигнуваат ниво 5 или 6, наспроти 8 отсто во просек во ОЕЦД.
Истражувањето покажа дека родителите се поретко ги прашуваат децата како им е во школо.

извор

Британија го обвини Израел за етничко чистење на Западниот брег

9 септември 2026

Шефот на британската дипломатија Ед Милибанд го обвини Израел дека поддржува терористи помеѓу еврејските доселеници кои вршат етничко чистење на Палестинците од Западниот Брег. Ова е најостра осуда од Британија за државата Израел од нејзиното основање.
Милибанд се воздржа да ги опише како „геноцид“ дејствијата на Израел во Газа, но истакна дека постојат докази за воени злосторства.

„Обединетото Кралство предолго се двоумеше да преземе акција, од страв да не биде обвинето за антиизраелски став... додека продолжуваат ужасните страдања на Палестинците“, истакна премиерот Енди Бурнам.
Првата конкретна мерка на Лондон се трговски санкции за израелски производи што потекнуваат од окупираните палестински територии: забрана за увоз на стоки од нелегалните населби; запирање на градежни услуги или финансирање за израелските населби; и забрана за дозволи за оружје и „друг извоз што суштински придонесува кон окупацијата“.
Како одговор, израелскиот министер за надворешни работи, Гидеон Сар најави затворање на конзулатот на Обединетото Кралство во Ерусалим и забрана за влез во Израел за 12 британски пратеници и активисти.

извор