Вести › Набрзинка

Три авионски несреќи во еден ден

29 декември 2024

Јужна Кореја. Поради дефект на опремата за слетување, авион на Џеџу Ер се приземји „на стомак“, по што доаѓа до експлозија и пожар. Внатре имало 181 човек. Сите патници загинале, двајца од екипажот се спасиле.

Авион на „Ер Канада“ принудно слета на меѓународниот аеродром Халифакс Стенфилд при што дошло до излизгување и пожар на моторот. Едно од тркалата на авионот не се ослободило при слетувањето.

Боинг 737 на холандската авиокомпанија КЛМ принудно слета во Норвешка по појава на дим во моторот. Нема повредени.

извор

Родителите на малолетниот убиец од Белград осудени на 14,5 и 3 години затвор

31 декември 2024

Таткото на Коста е осуден поради несоодветно чување на оружјето во својот стан а заедно со Миљана, прогласени се за виновни и за кривичното дело, злоставување и занемарување на малолетно дете.
Обвинетиот Владимир Кецманови е осуден на единствена затворска казна од 14 години и 6 месеци а Миљана Кецмановиќ на затвор во траење од 3 години. Инструкторот по стрелаштво, поради лажно сведочење, доби 1 година и 3 месеци.
„Нема казна што ќе èе помири во овој живот“, велат ужалените од масовното убиство во белградското училиште.
Кецмановиќ имаат и друго дете, малолетна ќерка. На безбедно е, но никој не знае каде е и што ќе биде со неа сега, кога родителите се пратени во затвор.

извор

Ванковска: Шарена Србија

30 декември 2024

Сè поголем број студенти и граѓани ме прашуваат со резигнација: Професорке, зошто кај нас нема протести како во Србија? За миг сум збунета и си велам: Па, зарем не се сеќаваат?
Сцените што успевам да ги видам будат дежа ви чувство, особено сценографијата. Црвената боја на рацете и улиците, која треба да покаже крволочен режим и страдалници што се подготвени со живот да се борат за ЕУ и НАТО – веќе видено. Девојки што пркосат пред полицајци – веќе видено (нашата додуша ставаше кармин огледувајќи се во штитот на полицаецот – но фотографијата го обиколи светот). Идејата за неистакнување лидери на движењето, за хоризонтално поврзување и пленумско одлучување, широка агенда во која секој може да се препознае и солидаризира – и (зло)употреба на една трагедија – сето тоа сме го минале.
Македонската „шарена револуција“ заврши со продажба на македонството, во замена за воена алијанса и геополитичко позиционирање, и со лидери за кои дури и Груевски изгледа како Черчил.

извор