- Доналд Трамп прогласи крај на војната во Газа и најави дека сите напори сега ќе бидат насочени кон обезбедување траен мир.
- „Се војува со векови. Мислам дека луѓето се уморни. Примирјето ќе издржи. Војната е готова. Готова е, разбирате?“, порача Трамп.
- Тој денеска ќе пристигне во Египет за да претседава на Самитот на кој официјално ќе биде потпишан нов Мировен план за Блискиот Исток. На самитот ќе учествуваат регионалните лидери, како и европските - Емануел Макрон, Фридрих Мерц, Џорџа Мелони, Педро Санчез и Реџеп Тајип Ердоган.
- Трамп утрово пристигна во Израел, а изрази и желба „барем да стапне“ на територијата на Газа. Тој истакна дека веднаш ќе почнат напорите за обнова на палестинскиот регион, почнувајќи со расчистување на урнатините.
- Српската полиција синоќа приведе десетици лица и спречи напад врз „Пиоинирскиот камп“ на поддржувачи на Александар Вучиќ пред Народното собрание во Белград. Меѓу 37-те приведени лица е и поранешниот кошаркарски репрезентативец Владимир Штимац поради „поттикнување на насилство“.
- Десетици илјади граѓани вчера пристигнаа на платото пред Собранието за да ѝ изразат поддршка на Дијана Хрка, мајката на момче што загина при уривањето на настрешницата на железничката станица во Нови Сад пред една година. Таа почна штрајк со глад, поради тоа што властите избегнуваат одговорност за смртта на нејзиниот син и на уште 15 луѓе при трагедијата.
- Група демонстранти ги нападнале симпатизерите на Вучиќ што кампуваат пред Собранието. Фрлале камења, шишиња и пиротехника и запалиле еден шатор.
- Поранешниот претседател Борис Тадиќ ги повика граѓаните на Србија да ѝ изразат поддршка на мајката што штрајкува со глад и секоја вечер да протестираат во Белград. Оние што не можат да дојдат, ги повика да организираат протести во своите места: „Сите на улица!“. Претседателката на собранието Ана Брнабиќ го обвини Тадиќ дека повикува на насилства и граѓанска војна.
