Вести › Набрзинка

Трамп во Давос: Да не бевме ние, ќе зборувавте германски

21 јануари 2026

Во својот говор на Светскиот економски форум, Доналд Трамп остро ја критикуваше Европа, ги фалеше економските перформанси на САД и ја оживеа идејата за набавка на Гренланд.
„Нема да употребам сила, но го сакам Гренланд итно. Преговорите мора да започнат веднаш, сакам таму да изградам Златна купола!“, порача американскиот претседател.
На кандскиот премиер кој со својот говор зачуди многумина (види: Земајте пуканки, Давос почна) му порача: „Канада постои благодарејќи на нас. Знај го тоа следниот пат кога ќе даваш изјави“.

„Во историјата сме купиле бројни земји... Нема ништо лошо во тоа“.
Деновиве Трамп неколкупати го мешаше Гренланд со Исланд, забележа Телеграф.
„Ја сакам Европа и сакам да оди во добар правец, ама, не оди. Не можам да ја препознам Европа, во негативна смисла“.

Трамп ја потсети Данска дека во Втората светска војна падна брзо и дека САД ја спасиле и неа и Гренланд. „Без нас денес ќе зборувавте германски и по малку јапонски“ рече Трамп и се пожали дека Данска е неблагодарна за она што САД го имаат сторено за неа.

10 ноември 2026

Претседателот на САД, Доналд Трамп, ја номинираше Кристи Мекормик од Калифорнија за нова американска амбасадорка во Македонија, на местото на Анџела Агелер, која ја извршуваше функцијата до јануари годинава.
Номинацијата вчера официјално била доставена до Сенатот, кој треба да ја одобри со гласање од Комитетот за надворешни работи.
Мекормик не е дипломат од кариера, но работела како виш правен советник во амбасадата на САД во Багдад.
Од 2014 до 2026 година била комесарка и претседателка на независната федерална Комисија за изборна помош на САД, а претходно извршувала правосудни и државни функции во сојузната држава Вирџинија.

10 ноември 2026

Најмалку 12 луѓе загинаа и десетици се повредени во верижни сообраќајни несреќи на автопатот „Тракија“ во Бугарија.
Во услови на исклучително густа магла во 7 часот наутро, близу клучката „Зимница“ имало два верижни судари – едниот во правец кон Бургас, а другиот во спротивната насока кон Софија.
Се судриле повеќе од 86 автомобили, камиони и автобуси. Некои се запалиле.

Десет лица загинале на место, а уште две починале при транспорт до болница.
Најмалку 48 повредени луѓе биле префрлени во болниците во Јамбол и Сливен, некои во тешка состојба, изјави министерката за здравство Катја Ивкова.

Во операцијата за извлекување патници од возилата и укажување итна помош се ангажирани и припадници на воените сили, со хеликоптери и транспортни авиони.