Вести › Набрзинка

Трамп вмеша прсти и во кока-колата

17 јули 2025

Доналд Трамп се пофали дека ја убедил Кока-кола да користи само шеќер од трска во своите пијалаци во САД, наместо од додава пченкарен сируп, како што правела до пред половина век.
„Тоа ќе биде добар потег. Ќе видите. Подобра е“, порача Трамп на својата социјална мрежа.

Кока-кола додава пченкарен сируп само во пијалаците што ги продава во САД. Во Мексико, Канада и Австралија користат шеќер од трска. Исклучок се „Мексиканската кола“ и „Кошер коук“ во кои нема пченкарен сируп.
На најавата на Трамп реагираше Асоцијацијата на рафинирачи на пченка. „Замената на високофруктозниот пченкарен сируп со шеќер од трска ќе значи губење на илјадници работни места во производството на храна, ќе го намали приходот на фармерите и ќе го зголеми увозот на шеќер, без нутритивна полза“.

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.