- Американскиот претседател Доналд Трамп најави дополнителни царини од 100% за кинески производи веќе од 1 ноември, како одговор на кинеските рестрикции за извоз на ретки минерали, неопходни за производството на чипови, ласери, млазни мотори и други напредни технологии.
- „Царините од 100% ќе бидат додадени на веќе постоечките царини о 30% за кинески производи. Трамп се закани и со ограничувања на извоз на американски софтвер за кинески компании.
- „Кина стана многу непријателска и сака да го држи целиот свет како свој заложник, преку ограничување на пристапот на металите и магнетите“, порача Трамп.
- Веднаш по заканата од Трамп паднаа индексите на берзите во САД поради стравување од нова трговска војна. Уште поголем удар претрпеа криптовалутите. Биткоинот за неколку часа изгуби 10% од вредноста, другите криптовалути паднаа уште повеќе.
- Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
- Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
- Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
- За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
- Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.
- Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
- Просекот е 7 урагани во сезона, од кои 2 до 3 се во септември.
- Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
- Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
- Најмалку, само по два, имало во 1982 и 2013 година.
