Американскиот претседател Доналд Трамп објави дека ја повлекува поканата за Канада да се приклучи на неговиот новоформиран глобален Одбор за мир.
Канадскиот премиер Марк Карни претходно најави дека неговата земја ќе се приклучи на Одборот, но нема намера да ја плати членарината од 1 милијарда долари за постојано членство.
Карни го вознемири Трамп со својот говор во Давос, во кој ги повика „средните“ да се здружат против економски принуда од „поголемите“, иако не го спомена американскиот претседател по име.
Еден ден подоцна, Трамп побара од Карни да биде поблагодарен: „Канада живее поради САД. Запомни го тоа, Марк, следниот пат кога ќе даваш изјави“.
Карни од Квебек му возврати: „Канада не живее поради САД. Канада напредува затоа што сме Канаѓани“.
Согласно правилата на Шенген зоната туристички едно лице може да остане максимум до 90 дена во рамки на 180 дена. Проблемот е што ова правило се воведува и за професионалните возачи и оние кои работат во транспортните компании од причина што ЕУ не може да најде легална форма да го регулира нивниот статус.
Иако имав жестоки размени на аргументи со надлежните во рамки на ЕУ директно во Брисел, за жал не најдов на разбирање, вели министерот за транспорт Александар Николоски.
Проблемот е многу сериозен зашто ќе влијае врз работата на транспортниот сектор во целиот регион како и на извозно ориентираните компании.
Од понеделник ќе има протест кој предвидено е да трае седум дена на граничните премини кои одат кон шенген зоната, на превозниците на Македонија, Косово, Србија, Црна Гора и БиХ. Се работи за огромен економски проблем кој што може целосно да ја колабира македонската и регионалната економија, бидејќи нашите економии се мали и главно се ориентирани кон извоз. Се работи за целокупното производство на компаниите кои произведуваат во ТИРЗ во кои што работат најголем дел од луѓето во Македонија и кои што носат најголем девизен прилив.
Ако и домашните компании кои се извозно ориентирани не можат да извезат тогаш запира и економската активност,
Од друга страна, ако превозот поскапе за 3 до 5 % тогаш стануваат неконкурентни на европскиот пазар, рекол Николоски во интервју за Лидер.
СЈО и сите таму, беа „црпнати” за да дадат одговор кој, кого и зошто незаконски прислушкувал со години, 24/7. Се занимаваа со сѐ освен со тоа за што беа формирани. Вака на својот фејсбук-профил реагираше поранешната министерка Гордана Јанкулоска, која беше обвинета во дел од предметите на СЈО, по вчерашната информација дека застарел дел од случајот „Талир 1“ за незаконско финансирање на ВМРО-ДПМНЕ.
„Застарел дел од предмет што ниту можело ниту требало да биде предмет на кривично гонење ако барем некои од оние кои се занимавале со него се држеле до законот, правдата и правото, а не се воделе од политички диктати. СЈО и сите таму, беа ‘црпнати’ за да дадат одговор кој, кого и зошто незаконски прислушкувал со години, 24/7. Се занимаваа со сѐ освен со тоа за што беа формирани. Водеа кадровска политика во политичките партии преку политички прогон, ‘билдаа’ партиски рејтинзи за изборни цели, преку закани и притисоци одбираа владини партнери не според освоени гласови туку според дневно политички потреби, и сега проблем бил Кривичниот законик од 2023 (кој сам по себе е тема за посебна дебата). Не е ниту до тој ниту до кој било друг закон. До правниците е, кои во сѐ гледаа математика и тераа политика, си кркаа незаконски бонуси и 10 години парадираа до судовите како холивудски ѕвезди и градеа метеорски кариери ама не заради резултати или квалитет туку заради сервилност кон претходната власт!“, напиша таа.
