- Офицери од Пентагон признале пред Конгресот дека немало разузнавачки информации што укажувале дека Техеран планирал прв да ги нападне американските сили во регионот.
- Функционерите на брифинзите потврдиле дека балистичките ракети и силите на Иран во регионот претставуваат „непосредна закана за интересите на САД“, но немало разузнавачки информации што би го поткрепиле аргументот на Трамп дека Техеран планирал да го зададе првиот удар, па затоа одобрил „превентивни напади“ врз Иран.
- Трамп, исто така, тврдел дека Иран е „на добар пат“ наскоро да обезбеди капацитет да ги нападне САД со балистички ракети. „Неговото тврдење за проектилите не беше поткрепено со извештаи од американските разузнавачки служби и се чинеше преувеличено“, изјавија за Ројтерс извори запознаени со брифинзите.
- Трамп синоќа објави дека нападот врз Иран, за кој очекува да трае 4-5 недели, имал за цел „да осигури дека Иран нема да може да има нуклеарно оружје, да ја ограничи својата ракетна програма и да ги елиминира заканите за САД и нивните сојузници“.
- Тој потврди дека при иранските напади врз американските бази во регионот загинале тројца војници и додаде: „За жал, веројатно ќе има уште пред да заврши. Така е. Веројатно ќе има уште“.
- Иран формира нова дигитална платформа за осигурување „Ормуз сејф“, како ново владино тело за управување со бродскиот сообраќај низ Ормускиот проток. Платформата ќе се потпира на плаќања со криптовалути.
- Според планот на Министерството за економија, управувањето со теснецот преку рамка за осигурување би овозможило издавање на разни полиси за поморско осигурување, како и сертификати за финансиска одговорност, наместо да се наплаќа „патарина“. При идеални околности, ова би можело да генерира до 10 милијарди долари приходи за Техеран.
- Планот ќе почне со осигурување кое покрива инспекција, задржување и конфискација на бродови. Штетата од воени напади нема да биде покриена.
- „Овој модел би бил прифатлив за другите земји во мирно време, а сепак би му дозволил на Иран да врши контрола врз теснецот“, објави државната новинска агенција Фарс.
- Молдавските лидери ја осудија како „закана“ одлуката на Владимир Путин да го поедностави процесот на давање руско државјанство на жителите на регионот Придњестровие, кој се отцепи од Молдавија пред 36 години.
- Една половина од жителите на Придњестровие веќе имаат руско државјанство. Декретот на Путин објавен во петокот им овозможува на уште 350.000 луѓе да добијат руски пасоши без да го исполнат условот за постојан престој во Русија.
- „Ова е начин повторно да ни се закануваат, бидејќи на Русија не ѝ се допаѓаат нашите акции за реинтеграција. Веројатно им требаат повеќе луѓе за да испратат во војната во Украина“, изјави молдавската претседателка Маја Санду.
- Рускиот амбасадор во Кишињев, Олег Озеров, изјави дека потегот е од хуманитарни причини, во согласност со меѓународното право, поради „зголемениот притисок“ од Молдавија врз Русите. Тој ги оцени реакциите како „лицемерие“, бидејќи Молдавија им дозволува на нејзини граѓани да добиваат романски пасоши.
- Придњестровие се отцепи во 1990 година, кога Молдавија сè уште беше советска република. По двегодишен судир со повеќе од 1.000 жртви, двете страни се во мир, заштитуван од контингент од 1.500 руски војници. Регионот има свои политички институции - парламент, војска, полиција и поштенски систем.
