Вести › Набрзинка

Трамп избегна казна од половина милијарда долари

22 август 2025

Апелациски суд ја поништи казната од 355 милиони долари што на претседателот Доналд Трамп му беше изречена од граѓански суд во Њујорк поради измама. Заедно со каматите, Трамп требаше да плати повеќе од 500 милиони.
Трамп беше казнет поради пријавување пониска вредност на имотот на Организацијата Трамп, со цел да добие поповолни кредити.
Апелацискиот суд оцени дека Трамп има одговорност за измамата, но и дека казната од половина милијарда долари е претерана.
И Трамп и њујоршкото обвинителство изразија задоволство од пресудата. Трамп ја оцени казната како „лов на вештерки“, а Обвинителството истакна дека неговата вина била потврдена.

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.