Вести › Набрзинка

Трамп испрати трупи да воведат ред во Чикаго

7 октомври 2025

Претседателот Доналд Трамп испрати 200 припадници на Националната гарда во Чикаго за да ги заштитат федералните институции и службеници од напади од демонстранти. „Чикаго е како воена зона“, изјави Трамп. Сојузната држава Илиноис настојува со тужба да го запре распоредувањето.
Пред само два дена Федерален суд го блокираше обидот на администрацијата на Трамп да испрати 200 трупи од Националната гарда од Тексас и Калифорнија во Портланд, Орегон. Истиот суд претходно го спречи Трамп во Портланд да ја испрати националната гарда од Орегон.
„Нема доволно докази за да се оправда присуството на федерални трупи“, објави судијката Карин Имергат, која на функцијата беше назначена токму од Трамп. Таа предупреди дека „користењето војска без согласност од сојузната држава е закана за нејзиниот суверенитет и може да предизвика уште поголема нестабилност“.
Трамп се закани дека ќе го активира Законот за бунт ако судовите продолжат да ги блокираат неговите наредби за испраќање трупи од резервниот воен состав во сојузните држави: „Имаме закон за бунт со причина. Ако треба, ќе се повикам на него. Ако луѓе гинат, а судовите или гувернерите нè спречуваат, секако дека ќе го направам тоа.“
Калифорнија поднесе две тужби против Трамп, откако тој во јуни ја испрати Националната гарда да ги смири протестите поради рациите на нелегални имигранти. Едната пресуда беше во полза на Трамп, а во другата федерален судија пресуди дека претседателот го прекршил законот што ја спречува федералната влада да користи воени сили за домашни прашања.

извор

Пропадна дилот за мигранти на Британија и Франција

2 октомври 2026

Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.

извор

Прв септември без урагани во Атлантикот во овој век

2 октомври 2026

Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
Просекот е 7 урагани во сезона, од кои 2 до 3 се во септември.
Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
Најмалку, само по два, имало во 1982 и 2013 година.

извор