- Телевизиската мрежа и има наштетено на репутацијата на Трамп со клеветење и лажно информирање и однесувањето има за цел да и наштети на неговата политичка кариера, обвинува тужбата на Трамп.
- За тимот на Трамп посебно е спорно користењето на терминот „голема лага“ за опишување на тврдењата на Трамп за наместени избори во 2020. Во тужбата се објаснува дека тоа е директна референца на тактиката употребена од Хитлер, која се појавува и во „Мојата борба“.
- Си-би-ес пишува дека тужбата, по која ќе се решава во судот во Флорида, се паднала кај судија назначен во времето на Трамп.
- По повеќе од три години преговори Светската здравствена организација постигна договор за зајакнување на подготвеноста и заштитата на јавното здравје од нови пандемии, откако ковид-19 однесе милиони животи. Пактот е обврзувачки за членките.
- Клучен елемент од договорот е системот за итно споделување податоци за проблематични патогени. Вакцините развиени од пристапот до тие информации ќе се споделуваат на поправедна основа.
- Ќе бидат формирани Глобален синџир на снабдување и логистичка мрежа за правичен, навремен и достапен пристап до здравствени производи поврзани со пандемија.
- Во зависност од ресурсите, земјите треба да развијат национални планови за превенција - рутинска имунизација, управување со биолошките ризици во лабораториите, спречување на антимикробна отпорност и запирање на пренос на болести од животни на луѓе.
- Канцеларијата на Белата куќа за буџет бара да престане американското финансирање на мировни мисии на Обединетите нации, оценувајќи ги како неуспешни.
- САД издвојуваат 27% од буџетот на ОН за мировни мисии во износ од 5,6 милијарди долари.
- ОН издвојуваат средства за девет мировни мисии во светот - за Косово, Кипар, Голанската Висорамнина, за Мали, Либан, ДР Конго, Јужен Судан, Западна Сахара и за регион помеѓу Јужен Судан и Судан.
- САД за оваа фискална година веќе им должат на ОН 1,5 милијарда долари за редовниот буџет и 1,2 милијарда за мировните мисии.
