Вести › Набрзинка

Трамп бара 10 милијарди отштета од Мардок за „клеветите“ за Епстин

19 јули 2025

Доналд Трамп ги тужи за клевета својот долгогодишен пријател Руперт Мардок и неговиот весник Волстрит џурнал поради текст во кој се тврди дека Трамп му испратил писмо со нацртана гола женска на педофилот Џефри Епстин.
Трамп бара рекордно висока отштета од 10 милијарди долари од Мардок и двајцата автори на сторијата - новинарите Хадиџа Сафдар и Џо Палацоло.

WSJ пишува дека за 50-от роденден на Епстин во 2003 година Трамп му испратил честитка, која своерачно ја украсил со „сексуално сугестивен цртеж на гола женска“. Честитката во албумот ја чувала Гислејн Максвел, сопругата на Максвел која му помагала за да го одржува синџирот на нудење сексуални услуги на малолетнички на истакнати клиенти. Максвел отслужува казна од 20 години затвор, а Епстин се „самоуби“ во мистериозни околности во ќелија.
Трамп тврди дека наводната честитка е лажна. Тој го предупредил Мардок, сопственик на новинската империја во која е и WSJ, да не го објавува.
Тајкунот Мардок му е долгогодишен пријател на Трамп и пред само една недела беше покрај него во гостинската ложа на финалето на светското клупско првенство во фудбал. Сопственик е на Фокс њуз, омилениот телевизиски канал на Трамп.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор