- Во топ 10-те во кои платите се движат од 2.000 до 10.000 евра, има познати компaнии но и анонимки како „Авто испитен центар“ и изненадувања како што е РК Вардар.
- Иако се со најголеми просечни плати, финансиски не ја поминале сјајно минатата годината па првите две, во кои се и најголемите просечни плати, биле во загуба.
- Просекот на платите може да покаже каде работниците земаат најголеми плати, но можно е тие ништо да не виделе од големите износи, а целиот просек да биде кренат поради една плата на газдата.
- Администрацијата за авијација на САД најави дека ќе ги намали летовите за 10% поради блокадата во Конгресот за финансирањето на федералните власти, која навлезе во вториот месец. До крајот на денот ќе биде објавен список со 40 аеродроми што ќе бидат затворени.
- Рестрикциите во изминатите 36 дена од блокадата погодија 3,2 милиони патници. Се очекува да бидат укинати уште илјадници летови.
- „Не знам за друг ваков случај во изминатите 35 години. Навлегуваме во непозната територија на затворање на владата, изјави шефот на ФАА“, Брајан Бредфорд.
- Плата за октомври не добиле 13.000 контролори на летање и уште околу 50.000 други службеници задолжени за безбедност на транспортот. Повеќето работат прекувремено по шест дена во неделата. „Не можеме да го игнорираме тоа. Дури и ако владата биде деблокирана до утре, ФАА нема да може да ги продолжи нормалните операции сè додека не се комплетира и не се стабилизира персоналот“, додаде Бредфорд.
- Мексиканската претседателка Клаудија Шeјнбаум ќе поднесе обвинение против мажот што ја нападна додека таа на прошетка низ Мексико Сити разговараше со граѓани. Мажот ѝ се приближил одзади, ја допирал по телото и се обидел да ја бакне. Тој бил уапсен и било утврдено дека бил пијан.
- „Ова го трпат сите жени во нашата земја. Ако ѝ го направат ова на претседателката, што се случува со сите други жени во земјата?“ изјави Шeјнбаум. Таа уште во кампањата најави дека ќе стори сè за да ги заштити повеќе жените, но досега нема резултати. Дури 98% од сите случаи на убиства на жени завршуваат без казна за обвинетите.
- Инцидентот го истакнува и ризикот со кој со години наназад се соочуваат политичарите во Мексико. Пред само неколку дена градоначалникот на Уруапан, Карлос Алберто Манзо Родригез, беше застрелан седум пати од вооружен маж на прославата на Денот на мртвите.
- За време на кампањата спроти изборите во јуни 2024 година беа убиени 37 кандидати. Во 1994 година, претседателскиот кандидат Луис Доналдо Колосио Муриета беше застрелан на митинг во пограничниот град Тихуана. Пред пет години картелот Халиско го изрешета конвојот во кој се возел Омар Гарсија Харфух, актуелниот министер за безбедност.
- Наспроти ризикот, Шeјнбаум не се откажува од навиката да се среќава со народот на улица. „Не можеме да се дистанцираме од луѓето. Тоа би значело да негираме од каде доаѓаме и кои сме“, изјави претседателката.
