Вести › Набрзинка

„Титаник 2“ за Мијалков е завршена приказна

30 март 2023

Пропадна и последната шанса Aпелација да донесе пресуда за Мијалков пред да му застари делото. Седницата беше одложена, обвинетите не биле уредно поканети. Презакажана е за 13 април кога делото за Мијалков ќе биде застарено.
Од 6 предмети кои беа отворени против него, за сега 4 се решени. Порај „Титаник 2“ кој застарува, „Тортура“ е ослободителна, „Плацеви на Водно“ стана условна.
Во рок од десетина дена Апелција објави дека му ја потврдиле ослободителната пресуда за „Тортура“ за апсењето на Бошкоски и му ја смени казната за „Плацеви на Водно“ од затворската во условна.
Завршен е и „Империја“. Доби тригодишната затворска казна на која тој се согласи, односно се спогоди и казната ја издржува во отворениот затвор во Струга, за што стана и жител на Охрид.
Активни остануваат само предметите „Трезор“ и „Таргет Тврдина“, но и двата предмети се далеку од правосилна пресуда, откако лани Аплелација одлучи да ги укине пресудите во кои Мијалков првостепено доби вкупно 20 години затвор.

извор

Бес во Израел заради прекинот на огнот

8 април 2026

„Ова е политички и стратешки пораз! Во целата наша историја, таква катастрофа никогаш не се случила“, го коментира примирјето шефот на израелската опозиција, Јаир Лапид.
Вели дека Бенјамин Нетанјаху не исполнил ниту една цел која си ја имал зададено иако војската направила сè што барал.
Лапид потсетува дека Израел не ни бил вклучен во преговорите и дека на државата „ќе ѝ требаат години за да се опорави од политичката и стратешката штета“ што Нетанјаху ја предизвика со својата ароганција, невнимание и недостаток на стратешко планирање.
Претседателот на партијата Израел Бејтену, Авигдор Либерман, оцени дека ваков договор со Иран значи дека Израел во иднина ќе мора повторно да влезе во конфликт, под потешки услови и по повисока цена.

извор

Одбиен предлогот за ограничување на учеството во странски војни

8 април 2026

Предлогот на пратеничката група на Левица за измени и дополнувања на Законот за одбрана не доби поддршка во Собранието, откако пратениците од СДСМ гласаа против, а пратениците од ВМРО-ДПМНЕ не гласаа.
„Собранието треба да ја ограничи Владата, така што армијата ќе се користи само во мисии со меѓународен легитимитет, одобрени од Советот за безбедност на Обединетите нации“, истакна Реџеп Исмаил.
„Со ова се елиминира можноста македонскиот војник да биде испраќан во геополитички лавиринти без јасен меѓународно-правен легитимитет, како монета за поткусурување во туѓи пресметки“.
Досегашните интервенции на НАТО – од Југославија, преку Ирак до Либија – покажуваат примери на операции без соодветен или залоупотребен мандат. Во образложението беше посочено и дека постои ризик од индиректно вклучување во конфликти преку поддршка, како што е испораката на оружје за Украина, што може да има економски, енергетски и безбедносни последици.

извор