Вести › Набрзинка

Тим Кук го викав лузер во 2013. Ме демантираше.

21 април 2026

Епл го именуваше Џон Тернус за свој нов извршен директор, на местото на Тим Кук, кој најави дека на први септември ќе се повлече, после 15 години на чело на технолошкиот гигант.
Тернус е човек кој 25 години има работено во Епл а го предводеше хардверското инженерство.
Кога ја презеде компанијата од нејзиниот култен основач, Стив Џобс, Тим Кук го викаа лузер и му предвидуваа дека нема да се справи со товарот на легендата.
Сепак, тој на вредноста на компанијата ѝ додаде 3.000 милијарди, повеќе од Џобс. Денес истите тие од погоре викаат дека Кук е учебнички пример за успех на некој кој не бил основач на компанија.
Денес Епл е горе-долу израмнет со Гугл по пазарна вредност. Знаете кој го води Гугл повеќе од една деценија? Сундар Пичаи, не-основач.

извор

Крајот на коцкањето: Ботови доминираат со спортското обложување

21 април 2026

Пишувавме пред некое време дека вештачката интелигенција е труп за обложување (види: Не се клади на ВИ), но, еве еден пример кој го демантира тоа.
RN1 (профилот - тука) е спортски бот кој копа по платформата за (секакви обложувања) Полимаркет.
Има извршено 50.000 трансакции. Во плус е седум милиони долари.
На само еден натпревар, овој спортски бот има извршено над 2.000 тргувања. На прв поглед, хаос, стотици записи, постојана активност....
Зад тоа нема случајност, туку систем. Тој не се обидува да го предвиди исходот од натпреварот, туку работи на математика.

извор

Стасаа сите танкери што поминаа низ Ормускиот теснец пред војната

21 април 2026

Последните танкери за нафта што поминаа низ Ормускиот теснец на 27 февруари - пред да почне војната на САД и Израел со Иран - стигнаа до своите дестинации.
Сега пазарот мора да ги троши 400-те милиони барели ослободени од стратешките резерви. Тие купуваат време и спречуваат непосредна катастрофа, но не го решаваат основниот проблем со снабдувањето.
Со оглед на тоа дека низ Ормускиот теснец пред војната поминуваа танкери со близу 20 милиони барели нафта на ден, стратегиските резерви се доволни да го надополнат тоа количество околу 20 дена.
Ако по некој случај денес биде отворен Теснецот, бродовите што ќе поминат ќе пловат до своите дестинации со недели, бидејќи се движат со брзина на точак. Тоа илустративно е објаснето тука.
Европа уште долго ќе ги чувствува последиците, бидејќи азиските земји панично ги купуваа товарите на нафта што вообичаено беа наменети за европските рафинерии. Алтернативата е да купува „северноморска“ нафта, чија цена е 149 долари за барел и е за 50% поскапа од нафтата „брент“.
„Ако војната и блокадата продолжат повеќе од три месеци, ќе се соочиме со сериозни проблеми со снабдувањето. Ќе мора да се рационализираат авионските летови, дизелот и течниот природен гас, предупреди Патрик Пујане, директорот на TotalEnergies.

извор