- По несреќата која ја предизвика 40 годишен државјанин на Косово во која животот го загуби нивна 45 годишна колешка, а шест лица беа повредени од кои петмина со тешки повреди, здружение на такси и Убер возачи од Дубровник му пишаа отворено писмо на министерот за транспорт Олег Бутковиќ.
- „До кога планирате да го игногирате проблемот кој албанските гастарбајтери го прават по нашите патишта? Колку долго ќе дозволувате наши колеги и сограѓани да гинат заради несовесно возење на оние кои не чуле за поимот одмор во возење?“, се наведува во писмото.
- Тие ги повикуваат надлежните сами да извадат статистика и да објават: „Колку сообраќајни несреќи има предизвикано неспиењето на албанските гастарбајтери и колку невини животи имаат одземено. Колку уште деца мора прерано да останат без родители? Тоа утре може да биде секој од нас“.
- Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
- Јазот е најдлабок во Русија, а најмалку е изразен во Словачка.
- Македонија според оваа класификација е меѓу земјите со порамномерна распределба на богатството.
- Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.
- Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
- Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
- Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
- Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
- На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.
